Една мајка објавила фотографија на социјалните мрежи која ја покажува пораката од нејзината бабица, која ѝ предложила да ја закачи на влезната врата по породувањето. На неа напишала: „Бабиците ме советуваа да го закачам ова на влезната врата откако се породив дома – одличен совет кој вреди за секое породување!“

Деталната листа опишува што посетителите би смееле, а што не да прават, а нагласува колку новите мајки и татковци се уморни и колку одмор и поддршка им е потребна откако бебето ќе се роди. Пораката им се обраќа на гостите, па меѓу другото ги моли:

– Да ја понесат својата љубов и добрите желби, но деталите од реалниот свет да ги остават надвор, како бактериите, односно да си ги измијат рацете.

– Својата посета да ја ограничат на 15 минути, бидејќи дури и семејството и пријателите може да одземат корисно време и енергија кои на родителите им се многу потребни.

– Прво да ги поздрават браќата и сестрите, па потоа да ги замолат да им го покажат новото бебе.

– Да им помогнат на родителите околу другите деца во домот, ако ги има, па да ги забавуваат за мајката да не остане сама и со бебето и децата на самиот почеток.

– Да направат нешто корисно на одење, како миење садови, чистење подови или фрлање ѓубре.

– Ако нивната посета не е од животна важност, нека се најават со порака или повик.

Извор