Инфекцијата со парвовирус е многу честа и заразна болест кај децата и главно тие лесно ја поминуваат.

Меѓутоа, кај некои возрасни и кај трудници болеста може да биде многу сериозна и да предизвика здравствени проблеми кај бебето.

Станува збор за акутна инфекција со човечки парвовирус Б19, кој предизвикува исип на образите, а потоа се шири на екстремитетите. Инфекцијата се карактеризира со тоа што нема покачена телесна температура. Дијагнозата се поставува клинички и обично воопшто не е потребен третман.

Парвовирусот обично се појавува во рана пролет или доцна зима, најчесто кај децата на возраст од пет до седум години. Се јавува спорадично или епидемично (инфекцијата е можна преку пренос на капки). Времето помеѓу инфекцијата и појавата на првите симптоми е 4-20 дена.

Парвовирусот може да има сериозни последици кај луѓе со одредени видови анемија или ослабен имунолошки систем. Исто така, треба да се нагласи дека парвовирусот Б19 кој ги напаѓа луѓето не е поврзан со парвовирусот кој ги напаѓа животните (кучињата), така што преносот на инфекцијата од животните на луѓето е невозможен.

Причини

Човечкиот парвовирус Б19 што ја предизвикува оваа инфекција се разликува од парвовирусот што ги погодува домашните миленици. Во превод, болеста не се пренесува од животните на луѓето.

Се пренесува од човек на човек, како настинка, често преку респираторни секрети и директен контакт. Кога ќе се појави исип, лицето со оваа болест повеќе не се смета за заразно и не треба да биде изолирано.

Симптоми

Повеќето деца со парвовирусна инфекција немаат знаци или симптоми. Кога ќе се појават симптомите, тие многу варираат во зависност од возраста на лицето што ја има болеста. Инкубацијата трае во просек 4-20 дена. Првите симптоми кои се појавуваат како знак на парвовирус се слични на настинка – чувство на слабост и замор.

По неколку дена, на лицето се појавува исип и симетричен исип кој е најизразен на рацете, нозете или торзото. Исипот обично ги зафаќа дланките на рацете и стапалата. Изгледа како мрежести подигнати области со централно бледило. Исипот, како и целата болест, трае 5-10 дена. Откако ќе се појави исипот, детето повеќе не е заразно.

Исипот може да се врати неколку недели подоцна по изложување на сонце, физички напор, покачена температура или стрес.

Ова се раните знаци и симптоми на парвовирус кај децата:

• Исип и црвенило на лицето;
• Воспалено грло;
• Покачена телесна температура;
• Болки во стомакот;
• Главоболка;
• Замор
• Исипот понекогаш може да предизвика чешање.

Парвовирус за време на бременост

За време на бременоста, овој вирус може да биде особено опасен бидејќи може да доведе до компликации.

Кога да се посети лекар?

Парвовирусот обично не бара третман, но треба да посетите лекар во следниве случаи:

• Ако вие или вашето дете имате српеста анемија;
• Ако болеста се појави за време на бременоста;
• Ако вие или вашето дете имате ослабен имунолошки систем.

Лекување

Изгледот и начинот на ширење на исипот се всушност единствените дијагностички знаци. Некои ентеровируси исто така може да предизвикаат сличен исип. Серолошките тестови можат да ја исклучат рубеолата, додека лабораториските тестови потврдуваат присуство на антитела на вирусот.

Парвовирусот може да се открие и со имунопреципитација или молекуларни методи, кои најчесто се користат кај луѓе со моментална минлива апластична криза.

Во случај на инфекции со парвовирус, обично е доволно симптоматско самолекување бидејќи обично поминува спонтано и без поголеми компликации.

Луѓето со тешка анемија ќе бидат хоспитализирани и ќе добијат трансфузија на крв. Луѓето со ослабен имунолошки систем можат да примаат антитела, преку инјектирање на имуноглобулин.

Превентивните мерки вклучуваат соодветна хигиена на рацете, како и избегнување директен контакт со болно лице.

Извор