Покрај големата сила што се раѓа кога ќе забремените, доаѓа и голема ранливост. Оваа ранливост е подарок на многу начини, ја проширува вашата способност да чувствувате љубов толку длабоко што ќе ја тресе вашата срж.

И оваа ранливост ве прави, па… поранливи. Зборовите, постапките и емоциите на другите ќе имаат подлабоко влијание врз тоа како комуницирате со себе и со околината и како се движите низ фазите на бременост и раѓање.

За да се осигурите дека вашето патување во мајчинството е исполнето со луѓе кои ја почитуваат и негуваат вашата ранливост, наместо да ја искористат, еве седум типови луѓе што треба да ги избегнувате во текот на бременоста.

1. Жени што сакаат да ви ги раскажат своите страшни приказни за породувањето

Нема простор за дополнителна „страшна породилна“ врева. Сигурно вашиот ум веќе е вешт во уметноста на создавање на најлошите сценарија; не ви требаат други луѓе да ви кажуваат за нивните. Ако некој непознат, мајка, сестра, братучетка, другарка или кој и да е се обиде да сподели приказна за неговото породување со вас, запрете го и прашајте го дали приказната ќе ве исполни со надеж и возбуда за вашето претстојно породување или со страв. Ако тоа предизвикува страв, замолете го да ви ја раскаже приказната откако ќе го родите вашето бебе.

2. Доктор кој ви кажува „не можете да го направите тоа“

Сакате доктор што ќе ве потсетува колку ќе биде неверојатно вашето породување и дека можете да го направите.

3. Делот од вас што ви вели дека не можете да го направите тоа

Овој „пријател“ е тежок за разделба. Внатрешната личност за која станува збор веројатно била со вас многу поглавја од вашиот живот и тврдела дека „ве чува безбедни“ од ризици.

И сега се чуди за непредвидливоста на патот по кој одите и можеби ќе сака да ја затворите вашата интуиција во корист на одржување статус кво. Можете да ги прекинете врските со оваа страшна и ограничувачка страна од себеси, избирајќи да ја следите вашата интуиција (првиот одговор што ќе го добиете откако ќе си поставите прашање), наместо гласот на вашите стравови. Ова раскинување може да биде болно, но со текот на времето ќе се наполните со ентузијазам за можностите што ги раѓа оваа слобода.

4. Луѓе што ви кажуваат како треба да се породите

Овие лица се задоволни со тоа како избрале да се породат и сакаат да ги потврдите нивните избори правејќи ги истите. Можеби интуитивно чувствувате усогласеност со некои од опциите што ги предлагаат овие луѓе; ако е така, добро.

Но, што ако не е така? Можете да кажете не, можете да изберете нешто друго; вашите избори немаат никаква врска со нив.

Ако тие ве притискаат да го правите тоа по нивен начин, можеби ќе треба да го ограничите дружењето со нив, барем додека не пристигне вашето бебе.

Кажете им „да“ на луѓето што повеќе ги интересира како сакате да се породите отколку како мислат дека треба да се породите.

5. Пријатели со кои не се чувствувате емотивно безбедни

Имав пријателка која не разбираше како јас и мојот партнер може да бидеме среќни за нашата непланирана бременост, и ги сподели овие мисли со сите. Кога дознав, бев повредена и се чувствував како да се распадна нашиот круг на доверба. Почувствував непосреден инстинкт да ја исклучам од мојот живот.

Чувајте го вашето срце додека сте бремени, споделувајте го само со оние што се грижат за него исто толку нежно како што би се грижеле за вашето бебе.

6. Вашата преплашена мајка или свекрва

Многумина од нас ставаат голема тежина на мислењата на нашите мајки, дури и ако не сакаме да го признаеме тоа. Иако можеби не секогаш се согласуваме со овие мислења, тие често се многу присутни во нашите умови.

Ако имате мајка која често споделува мисли кои додаваат страв во вашата бременост, можете да ги забраните сите разговори за раѓање кога сте со неа.

7. Луѓе што се љубоморни на вашата бременост

Вообичаено е да имаме жени во нашите животи кои имаат проблеми со зачнувањето и очајно сакаат да ви се придружат на забавата за бременост. Не треба да ги исфрлите сите овие жени од вашиот живот, но ако има такви што ви отежнуваат да уживате во бременоста и суптилно (или отворено!) ве натераат да се чувствувате виновни или да се срамите затоа што сте бремени, тогаш избегнувајте ги некое време.

Автор: Бејли Гадис
Извор