Можете да ги прочитате сите книги за бременост, да ги посетите сите курсеви, да ги прелистате сите форуми каде што мајките ги споделуваат своите искуства, а некои работи сепак ќе ве изненадат. Но, не поради хормоните, туку поради луѓето. Луѓето и нивните фасцинантни изјави, прашања и коментари што доаѓаат со таква леснотија како да сте јавна анкета, а не личност која е бремена. Некои реченици ќе ве насмеат, некои ќе ве збунат, а некои едноставно ќе им ги раскажете на вашите пријатели со познатата: „Нема да верувате што ми кажа некој денес!“

Еве пет работи за кои треба да се подготвите кога ќе им кажете на луѓето дека сте бремени:

Луѓето ќе бидат многу заинтересирани за вашите… приватни работи

Одеднаш сите се многу заинтересирани за вашите утрински мачнини, киселини, отечени нозе, чешање на кожата и колку често одите на лекар. Да, навистина. Пред бременоста, ако некој кажеше дека бил на лекар, одговорот би бил: „Се надевам дека сè е во ред“. Сега ќе ви велат: „Што ти кажа? Дали е сè во ред со бебето? Дали ти работи тироидната жлезда?“

Секој има мислење и со задоволство ќе го сподели, честопати дури и оние што никогаш не држеле бебе

Ќе бидете преплавени со „совети“ за сè: од исхрана и породување до избор на пелени. И најчесто нема да ги побарате советите. Но запомнете, секое бебе е посебно, секој родител е различен и вие најдобро знаете што е најдобро за вашето семејство.

„Како се чувствуваш?“

Ова прашање ќе го слушате 47 пати на ден. И кога ќе кажете „добро“, „ОК“ или „не е одлично, но ќе помине“, ќе добиете потпрашања. Дали чувствуваш мачнина? Дали спиеш? Дали бебето игра фудбал со твојот мочен меур? Наш совет: подгответе мал говор. Ниту предолго ниту прекратко.

Вашиот стомак никогаш нема да биде во „вистинска големина“

Ако е мал – „Дали си сигурна дека бебето расте нормално? Дали јадеш доволно? Можеби го носиш ниско за да не се гледа?“ Ако е голем – „Чекај, дали си сигурна дека не си во 9. месец? Дали носиш близнаци? Не јадеш за тројца, нели?“ Најдобриот одговор? Насмевка, кимнување со главата и велите: „Сè е во ред, мојот стомак е токму онаков каков што треба да биде.“

„Дали носиш девојче или момче?“

Тука нема точен одговор. Ако одговориш, тогаш следното прашање е: „Дали си задоволна со тоа?“ Ако кажеш дека не знаеш и дека сакаш тоа да биде изненадување – подготви се за драма: „А јас не би можела да чекам! Тоа би ме убило!“

Автор: Карина Шиждрак

Извор