Која е најдобрата земја во светот за одгледување дете? Не е изненадување што скандинавските земји доминираат во извештајот „Најдобрите земји во светот за одгледување деца“: Шведска (1. место), Данска (2. место), Норвешка (3. место), Финска (6. место) и Исланд (8. место).

Канада се најде на петто место, а по неа се Финска, Швајцарија, Исланд и Австралија. Извештајот „Најдобри земји во светот за одгледување деца“ оцени 159 земји во 12 различни метрички вредности. За да го стори тоа, анкетирала повеќе од 260.000 луѓе во Америка, Азија, Европа, Океанија, Средниот Исток и Африка.

Шведска втора година по ред се најде на првото место како најдобра земја за одгледување деца. На децата им е потребен продуктивен екосистем кој се состои од светски здравствени и образовни системи заедно со социјални и семејни системи за поддршка за да им помогне да растат природно, без непотребен стрес. За жал, постои огромен географски диспаритет меѓу земјите во однос на обезбедувањето соодветна атмосфера за раст. Поделбата е толку длабока што повеќето земји од Третиот Свет воопшто не се квалификуваа за рангирање. Дури и меѓу развиените економии постои огромна социо-културна разлика кога станува збор за перцепцијата за одгледување на децата. Постои силна корелација помеѓу приходот по глава на жител и квалитетот на одгледувањето на децата.

Детални наоди и методологија: Со цел да се утврди рангирањето, истражувачите од „CEOWORLD“ составија, анализираа и споредија 159 земји во 12 клучни категории: јавен образовен систем; безбедност; родова еднаквост; „зелено“ живеење; среќа; цена; пристап до здравствени услуги, хигиена и санитарни услови; закони пријателски настроени кон семејството; дарежливо породилно отсуство и за таткото и за мајката; недостиг на сиромаштија; репродуктивна слобода и човекови права.

За да ги проценат тие димензии, истражувачите разгледале 36 индикатори кои спаѓаат во една од 10. категории. Создаден е индекс кој ги бодира индивидуалните индикатори на скала од 1 до 100. Секој индивидуален индикатор доби еднаква тежина во рамките на секоја од 12. категории, при што некои индикатори беа составени од 2-3 подиндикатори.

Маргината на грешка при земање примероци за целосен примерок од 260.000 испитаници е плус или минус 1,2 процентен поени. Во прилог на грешката, треба да се има предвид дека како и во сите истражувања, постојат можни извори на грешки – како што се покриеност, недавање одговор и грешка при мерење – што може да влијае врз резултатите.

Шведска (1. место): Земјата со 10 милиони жители има совршени 98,6 за човековите права и животната средина. Со речиси еквивалентен БДП по глава на жител од 53.000 долари, земјата има еден од највисоките стандарди за безбедност на децата и е најдобра во здравствената и образовната инфраструктура.

Данска (2. место): Скандинавската земја е позната по своите одлични резултати во однос на грижата за децата, безбедносните стандарди и инфраструктурата што ја овозможува. Граѓаните со БДП по глава на жител над 52.000 долари се задоволни што плаќаат поголеми даноци бидејќи ја добиваат најдобрата атмосфера за одгледување деца.

Норвешка (3. место): Со совршен резултат 95,95 во здравјето и благосостојбата на децата, Норвешка се смета за една од најеколошките земји за деца. Најзападната земја на Скандинавскиот Полуостров, со над 5 милиони жители, е позната по својата многу напредна инфраструктура за здравство и образование. Со приход од над 74.000 долари по глава на жител, Норвежаните обезбедуваат совршен екосистем за целокупниот раст на децата во најсреќната околина.

Холандија (4. место): Кога станува збор за здравјето и благосостојбата, Холандија е уште една северноевропска земја што се наоѓа на врвот. Позната по семејните вредности и слободата, земјата има највисок еколошки рејтинг заедно со високо заштитни стандарди за безбедност на децата. Со 17 милиони жители, земјата на ветерници и пристаништа има најдобар светски здравствен и образовен систем. Луѓето со БДП по глава на жител над 56.000 долари трошат многу на грижа за децата.

Канада (5. место): Втората по големина земја по Русија, со над 37 милиони жители, е позната по својата многу разновидна демографија. Канада е позната по своите стандарди за слобода и еднаквост. Со БДП по глава на жител од 49.000 долари, Канаѓаните обезбедуваат одлична инфраструктура за одгледување деца. Кога станува збор за законите, земјата има еден од најстрогите закони за заштита на децата.

Финска (6. место): Скандинавија поставува исклучително високи стандарди за одгледување деца, а Финска е одлична и во создавањето најдобар можен екосистем за растење на децата. Позната по своите најдобри еколошки стандарди, земјата со 5,5 милиони жители со БДП по глава на жител од 47.000 долари е еден од најголемите потрошувачи на грижа за децата. Земјата има една од најдобрите политики за грижа и заштита на децата за да се обезбеди раст без стрес.

Швајцарија (7. место): Централноевропската нација е златен стандард кога станува збор за животниот стандард со највисок резултат на среќа. 8,5 милиони Швајцарци со БДП по глава на жител од 65.000 долари се познати по градење на светска инфраструктура за здравство и образование. Згора на тоа, земјата е природно опремена со најдобра средина за совршено здраво живеење. И покрај политичката неутралност, Швајцарија е една од најсаканите земји со најголема глобална прифатливост.

Еве како изгледа листата со најдобри земји во светот за одгледување деца за 2021 година:

1. Шведска 99,81 поени
2. Данска 98,38 поени
3. Норвешка 95,95 поени
4. Холандија 95,56 поени
5. Канада 95,3 поени
6. Финска 95,19 поени
7. Швајцарија 94,98 поени
8. Исланд 94,73 поени
9. Австралија 94,71 поени
10. Велика Британија 94,54 поени
11. Нов Зеланд 94,42 поени
12. Австрија 94,21 поени
13. Јапонија 93,9 поени
14. Германија 93,57 поени
15. САД 93,56 поени
16. Луксембург 93,52 поени
17. Белгија 93,18 поени
18. Обединети Арапски Емирати 92,96 поени
19. Чешка 92,86 поени
20. Португалија 92,37 поени
21. Израел 92 поени
22. Тајван 91,9 поени
23. Сингапур 91,85 поени
24. Јужна Кореја 91,37 поени
25. Франција 90,97 поени
26. Словенија 90,82 поени
27. Ирска 90,8 поени
28. Шпанија 90,31 поени
29. Хрватска 90,3 поени
30. Полска 90,27 поени
31. Естонија 90,16 поени
32. Унгарија 89,92 поени
33. Костарика 89,92 поени
34. Италија 89,83 поени
35. Аргентина 89,72 поени
36. Литванија 89,51 поен
37. Словачка Република 89,45 поени
38. Грција 89,34 поени
39. Романија 88,89 поени
40. Тајланд 88,88 поени

Извор