Кога ќе ги прашате мажите кои квалитети треба да ги има жената што ја гледаат како идна мајка на нивните деца, тие можат да ви кажат цел список. Но, да се најде некоја личност со сите тие квалитети што ги бараат е малку веројатно сценарио. Или можеби не… Прочитајте за кои карактеристики се работи:

Мора да биде образована

Повеќето татковци би сакале мајката на нивното дете да биде добро образована. Причината за тоа е да може да има своја кариера и финансиски да придонесува за семејството. Сѐ уште има мажи кои повеќе би сакале нивната партнерка да остане дома и да се грижи за децата, но сѐ повеќе мажи сакаат независни и амбициозни жени.

Мора да биде барем донекаде убава

Кој маж не сака неговата сопруга да изгледа убаво, особено кога станува збор за мајката на неговите деца? Имено, врз основа на вашите црти на лицето, тој го оценува вашиот генетски материјал. Ако самиот маж не е толку убав, тогаш се надева дека неговата партнерка ќе биде таа што ќе ги пренесе своите добри гени на децата. Но, причината поради која тој го оценува вашиот изглед не е толку површна. Врз основа на ова, тој ќе заклучи многу работи за вашето здравје, а потоа и за здравјето на вашите деца.

Мора да биде психички стабилна

Се подразбира дека речиси сите мажи сакаат мајката на нивните деца да биде психички стабилна. Тешко е да се процени колку некој навистина е стабилен додека не почнете да живеете заедно. Или што всушност значи за некого менталната стабилност.

Треба да биде благородна

Мажите бараат жена која има добри морални вредности, кои еден ден ќе им ги пренесе на своите деца.

Мора да има смисла за хумор

Важно е да се забавувате и да се смеете заедно. Смеата е заразна. Ако вашето дете порасне гледајќи ве двајцата како се смеете, ќе ја наследи и вашата смисла за хумор.

Мора да биде искрена

Секој што е во среќен брак долги години ќе ви каже дека искреноста е важна особина. И двајцата родители мора да бидат искрени и треба да бидат способни да ги научат децата дека е важно секогаш да бидат искрени. Ако не сте искрени со вашето дете, тоа на крајот ќе биде неискрено кон вас.

Мора да знае да слуша

Многу жени се жалат дека мажите никогаш не ги слушаат. Но, и обратното е точно. Мажот сака жена која ќе го слуша кога зборува за работи што го интересираат. И тоа е она што тој го бара во партнерката со која планира да ги сподели родителските обврски

Треба да биде трпелива

Воспитувањето деца може да биде навистина исцрпувачко. Затоа, повеќето мажи се согласуваат дека е исклучително важно нивната партнерка да има трпение.

Автор: Гери Бастлер

Извор