Прехранбените навики на децата на училишна возраст се клучни за нивниот раст и развој, а со тоа и нивниот успех на училиште. За жал, многу родители се соочуваат со предизвици во обезбедувањето балансирани училишни оброци. Според извештаите, детските грицки често вклучуваат производи богати со шеќери и масти, додека овошјето, зеленчукот и интегралните житарки остануваат во втор план.
Со поддршка од експерти како нутриционистот Невена Панџа, свеста за важноста на планирањето на нутритивно богатите закуски расте. Невена открива како родителите можат со мали промени да ја подобрат исхраната на своите деца и да им ја обезбедат потребната енергија за учење и игра.
Родителите мора да дадат пример за правилни навики во исхраната.
-Децата стекнуваат навики во исхраната гледајќи ги нивните родители, баби и дедовци и возрасните околу нив, затоа е важно да се нагласи одговорноста на возрасните. Не можеме да очекуваме децата да имаат совршено избалансирани грицки ако возрасните не ги научиле со свој пример – на пример,, се случува да имаме дете од 12 или 15 години кое не знае да свари јајце, да исече јаболко или да подготви салата само – тогаш сме во неволја – ја изразува својата загриженост Панџа и решението го гледа во родителскиот пример, а во училиштата во предметот домаќинство.
-Домаќинството во училиштата е мал „алат“ за опстанок и независност!
За изборот на училишни ужини, таа наведува дека нејзиното искуство покажало оти децата често си носат свои грицки, но тоа што тие го содржат не е најдобриот избор.
-Поради брзината на животот, често избираме кроасан и сок од продавница, а кога би донеле сендвич, банана и вода од дома, би направиле голема разлика. Децата се жедни, но немаат навика да пијат вода – вели Панџа и ги повикува родителите да внимаваат на внесувањето на овие непотребни шеќери.
Покрај училишните грицки, таа се осврнува и на предизвиците во исхраната за време на празниците, кога изобилството храна често доведува до прејадување, а прејадувањето до чувство на вина.
-Во ред е да кажете „не“ на торта која можеби не ви е омилена – вели Невена, апелирајќи дека не мора многу да се откажуваме за време на празниците ако внимаваме на количината на тоа што го јадеме, а не е лоша идеја и да се прошетате помеѓу оброците.
Автор: Ана Павловиќ
912