Веселиот Дедо Мраз ве кани во снежното ООУ „Коле Неделковски“ – Центар, Скопје. Новогодишната магија ќе ја почувствувате на влезот во училиштето – влезот и прозорците се украсени со хартиени ѕвездички и снегулки кои со својата композиција создаваат волшебен снежен град. Кога ќе направите само уште еден чекор, ќе посакате да бидете дел од снежниот танц на балерините кои го красат холот.

Додека весело танцувате, незабележливо ќе ви се отворат новогодишно украсените врати на училниците. Во нив ќе ве пречекаат насмеани дечиња кои ќе ви раскажат како со помош на наставниците го украсиле паното пред училницата. Сите ја чувствуваме новогодишната магија и секое дете ќе ви ја шепне својата новогодишна желба. Дојдете кај нас заедно да уживаме и да се радуваме, ни напишаа од ООУ „Коле Неделковски“.

Погледнете ги фотографиите:

Оваа година тимот на Деца.мк одлучи да го избере најдобро украсеното основно училиште заедно со читателите.

Испратете ни фотографии, максимум 5 од холот на училиштето или надворешните декорации. За секое училиште ќе објавиме посебен текст со фотографиите, па тоа што ќе има најмногу лајкови од читателите, ќе добие пакет производи од „Светот на Биби“ за да ја збогати својата училишна библиотека.

ТУКА можете да ги прочитате сите правила за учество.