Волшебна празнична атмосфера како од приказните, многу насмевки и среќа која блика од детските очиња овие денови се белег на ООУ „Блаже Конески“, Општина Аеродром, Скопје.

Вистинско уживање и посебно чувство на воодушевување будат новогодишните декорации кои благодарение на нашите ученици, наставници и родители, направија овие денови секој посетител на нашето училиште да се почувствува како да е дел од убава снежна бајка.
Нека магијата на новогодишната ноќ се доживее насекаде и нека донесе здравје, благосостојба и радост за сите!, порачуваат од ООУ „Блаже Конески“.

Оваа година тимот на Деца.мк одлучи да го избере најдобро украсеното основно училиште заедно со читателите.

Испратете ни фотографии, максимум 5 од холот на училиштето или надворешните декорации. За секое училиште ќе објавиме посебен текст со фотографиите, па тоа што ќе има најмногу лајкови од читателите, ќе добие пакет производи од „Светот на Биби“ за да ја збогати својата училишна библиотека.

ТУКА можете да ги прочитате сите правила за учество.