Министерството за семејна грижа и демографија го подготви текстот на измените на Законот за семејство, кои наскоро ќе бидат предмет на јавна расправа, а кои предвидуваат уште посилна и поефикасна заштита на децата од насилство.

Една од предложените измени се однесува на воведување забрана за физичко казнување на децата за време на чувањето и воспитувањето. Според Стратегијата за спречување и заштита на децата од насилство за периодот од 2020 до 2023 година и Општиот протокол за заштита од насилство од 2022 година, физичкото казнување на детето како воспитно средство е една од формите на физичко насилство врз дете.

Исто така, беше предложено да се укине можноста судот да дава дозвола за детски бракови, кои според Стратегијата за спречување и заштита на децата од насилство и Општиот протокол за заштита на децата од насилство се облици на насилство врз децата. Со новите измени се предлага и воведување нови облици на семејно насилство, во кои се вклучени и децата.

Владата на Србија во претходниот период посветено работеше на натамошно развивање на платформата „Те чувам“, што е уште еден показател дека државата прави сѐ за да го потисне и спречи насилството, дека има нулта толеранција за сите форми на насилството и дека сака да биде силна поддршка за децата и младите и да им даде насоки за тоа како да препознаат насилството, како да реагираат, како и тоа да имаат доверба во институциите.

Владата истакна дека една од предложените измени се однесува на воведување забрана за физичко казнување на децата за време на чувањето и воспитувањето.

– Во оваа смисла, пропишано е дека при чувањето, воспитувањето и подигнувањето на детето, родителите не смеат да го подложуваат детето на понижувачки дејствија, телесно казнување и други казни кои го навредуваат човечкото достоинство и интегритет на детето – велат од Министерството.

Како што истакнаа, санкција за наведеното однесување е спроведување корективен надзор над остварувањето на родителското право, при што родителите го коригираат своето однесување кон детето кое физички го казниле.

Согласно измената на членот 80, органот за старателство ќе има овластување да им наложи на родителите да учествуваат на посебни обуки за остварување на правата на децата и одговорно родителство.

Извор