Зошто можеме да смислиме бескрајни изговори дека е во ред да се удираат децата? Секојпат кога споделувам објава за удирање, луѓето сакаат да го оправдаат своето „право“ да удираат деца. Толку многу изговори. А ниту еден од нив не важи.

„Има разлика помеѓу удирање и тепање“

Не, нема, тие се буквално исто дејство. Не можеме само да му дадеме подобро име на дејството за да може полесно да се оправда.

„Понекогаш е потребно удирање затоа што нема секогаш доволно време да се објасни“

Ако имате време да го удрите детето, тогаш имате време и да ја подадете раката и наместо тоа да го спречите да се повреди.

„Децата не го разбираат расудувањето, па удирањето е неопходно“

Дали би удриле хендикепирано лице? Не, тоа се вика злоупотреба. Никој не заслужува да биде нападнат, без оглед на согледаната когнитивна способност. Ако не го разбираат разумот, како може да очекувате од нив да го разберат заостанатото размислување за тоа зошто некој што ги сака намерно ги повредува?

„Ги сакам моите деца и тие го знаат тоа. Удирањето не им наштетило“

Всушност, истражувањата покажаа дека родителот полн со љубов не ги негира ефектите од удирањето. Всушност, тоа може да ги направи децата повознемирени. Според зборовите на Алфи Кон: „Како се чувствуваме во врска со нашите деца не е толку важно колку што е важно како тие ги доживуваат тие чувства и како гледаат на начинот на кој се однесуваме со нив… Важна е пораката што ја добиваат нашите деца, а не онаа што мислиме дека ја испраќаме.“

„Има разлика помеѓу удирање и злоупотреба“

Ако зборуваме за ефектот врз децата, удирањето и злоупотребата ги имаат истите негативни исходи. Според петдецениското истражување на над 160.000 деца, удирањето е поврзано со асоцијално однесување, агресија, проблеми со менталното здравје и когнитивни тешкотии. Големините на ефектот не се разликуваат значително помеѓу „удирање“ и злоупотреба.

„Тоа е единственото нешто што функционира“

Не, не е. Има многу други опции. Всушност, истражувањата покажуваат дека удирањето не функционира. Нема реални придобивки.

„И мене ме удираа и испаднав добар“

Прво, тоа е дискутабилно бидејќи се обидувате да го оправдате вашето право да удирате некој помал и послаб од вас. Второ, нема начин да се знае. Немате поим како ќе испадневте ако не ве удирале.

„Секој по свое, секој треба да го направи она што е правилно за неговото семејство“

Не, тука има јасно правило што значи правилно, а што погрешно. Децата се луѓе со права. Нема оправдување да бидат удирани. Никогаш не е во ред.

„Веројатно викањето е поштетно од удирањето“

И двете се штетни, не мора да избереме едно од тие две. Да не го правиме ни едното ни другото.

„Децата треба да учат. Наша работа е да ги научиме да разликуваат што е правилно, а што погрешно“

Дали искрено мислите дека луѓето најдобро учат кога се плашат? Она што децата го учат кога ќе бидат удирани е дека љубовта е условена, дека луѓето што велат дека ги сакаат можат исто така да ги повредат и дека следниот пат треба да се потрудат повеќе да не бидат фатени. Ниту една од овие лекции не е позитивна.

„Удирање во лутина е погрешно, но јас секогаш го правам тоа смирено“

Ова е вознемирувачко. Сигурно е уште позбунувачки за детето да има родител кој намерно и „смирено“ избира да го удри.

„Постојат истражувања кои покажуваат дека и удирањето е корисно. Мора да ги гледате двете страни“

Морам да истражувам зошто треба да удрам луѓе? Дали е ова шега? Дали ги истражувавте придобивките од удирањето на партнерот пред да одлучите да не го сторите тоа? Зошто некој воопшто го истражува тоа? Зошто толку напорно се трудите да најдете причина поради која можете да ги удирате децата? Зошто ви е толку важно да ги удирате? Тоа е загрижувачко.

Можев да продолжам. Дозволете ми да пресечам.

Нема оправдана причина. Никогаш не постои причина да се удри дете. Секое удирање е штетно. Од која било причина. Децата се луѓе и тие имаат право да се чувствуваат безбедни и да не бидат повредени. Ниту едно дете не заслужува да биде удрено, а најмалку од некој што треба да го заштити и води. Постојат и други начини на воспитување и сигурно вреди да се вложи труд за да се научи за нив кога е толку јасно дека удирањето е штетно. Првиот чекор е да престанете да барате изговори. Не е во ред. Кога знаете подобро, тогаш и постапувате подобро.

Време е за промени.

Извор