Двегодишно девојче од Калифорнија добило помош при купување намирници од љубезен странец, а сето тоа е снимено, па видеото станало вирално на социјалната мрежа „Твитер“.
Лили Бел Вогел ја туркала својата количка за пазарење во маркет со нејзините родители, откако цел ден поминала во болница за тестирање, напишала нејзината мајка на „Твитер“. Малото девојче „спиело речиси цел ден“, па кога се разбудило и „имало малку енергија“, семејството ја одвело во маркет за да купува грицки со нејзината количка.
Лили Бел е очигледно среќна што со својата количка се движи низ маркетот додека другите купувачи поминуваат покрај неа и ја прашуваат дали и таа купува.
„Што купуваш?“, ја прашува постар господин. „Почекај, ќе ти помогнам со купувањето“, вели тој во видеото пред да ѝ стави банкнота од еден долар во нејзината количка. „Нека ти послужат за она што ќе го купиш“, ѝ вели господинот. Видеото има околу 10 милиони прегледи.
фотоизвор: Твитер
Мајката на Лили Бел, Чериса Вогел (32), објаснила дека овој сладок момент не можел да се случи во подобро време поради здравствените проблеми на Лили Бел.
„Таа беше прилично тивка, како што е и вообичаено, но овој господин дефинитивно ѝ го крева духот без воопшто да знае колку тешки беа изминатите два дена за неа!“, објавила мајка ѝ.
„Знам дека ова ѝ беше потребно на Лили Бел и сигурна сум дека и тој доби нешто од тоа“, додала мајка ѝ.
Таа споделила дека ова девојче купило од нејзините омилени чоколадни колачиња со доларот што му го подарил љубезниот странец.
My daughter wanted to take her cart to the store with us. She was having so much fun & this sweet man made her night, it was the cutest thing ever when he gave her $1 to spend on her shopping trip! She bought her fave, chocolate chip cookies!? Thank you, Sir for your kindness!
pic.twitter.com/7CZj6EaHtg
— ? (@lovespellx0x0) December 29, 2019