Со оглед на тоа што денес живееме со забрзано темпо, тоа воопшто не им го олеснува на родителите приготвувањето здрав појадок. Затоа, во продолжение ви нудиме неколку брзи и здрави идеи за појадок што лесно се приготвуваат и се совршени за наутро.

Појадокот е исклучително важен оброк за децата бидејќи им ја обезбедува енергијата потребна за концентрација, учење и активности во текот на денот. Децата што редовно појадуваат имаат подобри когнитивни функции, подобро се снаоѓаат на училиште и имаат помала веројатност да бидат уморни или раздразливи. Прескокнувањето на појадокот може да доведе до прејадување подоцна во текот на денот, што го зголемува ризикот од прекумерна тежина и други здравствени проблеми.

Еве неколку идеи:

Овесна каша

Овесната каша има низок гликемиски индекс, богата е со влакна и многу заситува, што ја прави совршен избор за студените зимски утра. Подготовката однапред ги олеснува работите: навечер во овесот ставете млеко и оставете го во фрижидер. Само загрејте го наутро и додајте малку мед, овошје (како банана, суви брусница, сечкани кајсии или рендани јаболка), јаткасти плодови или зачини како цимет.

Јајца

Јајцата се одличен извор на протеини и ве одржуваат сити до ручек. Со мало планирање, можете однапред да го подготвите овој појадок.

Пробајте ги мафините со јајца: истурете ги изматените јајца во калап за мафини (по едно јајце по мафин), додајте сечкан зеленчук, малку шунка или сирење и зачини. Се пече во рерна 10-15 минути, се лади и се чува во фрижидер. Следното утро можете да ги јадете ладни или повторно да ги загреете.

Јогурт

Јогуртот е брз и хранлив избор, а особено е богат со калциум. Ако ви треба додаток на протеини, изберете грчки јогурт. Додајте овошје, јаткасти плодови или семки за да го направите нутритивно побогат. Можете да го комбинирате и со домашна гранола или мусли за избалансиран појадок.

Смути

За оние што сакаат течен појадок, смутито е идеално решение. Комбинирајте овошје по ваш избор, јогурт, малку млеко, семки или дури и грст спанаќ за дополнителни хранливи материи – ветуваме, нема да го вкусите спанаќот!

Пробајте здраво смути од чоколадо-банана: измешајте банана, какао во прав, млеко и малку мед за сладок и хранлив почеток на денот.

Здрави мафини

Подгответе домашни мафини со висока содржина на влакна. За природна сладост користете трици, интегрално брашно и овошје. Овие мафини се погодни за брзо утринско освежување.

Извор