Кристин Вилет, поранешна учителка со речиси 20 години искуство, во вирално видео на „Тик-ток“ зборува за нешто што многу учители го мислат, но ретко го кажуваат гласно:

-Ако мислите дека вашето дете предизвикува проблеми на час затоа што материјалот му е премногу лесен или му е здодевно, грешите – вели таа.

Иако признава дека постои мала шанса вашето дете да е навистина „мал гениј“ што бара поголем предизвик, многу почеста причина за лошото однесување е немањето структура, поддршка и јасни граници дома.

„Моето дете е премногу паметно за овој материјал“

По години поминати во училница, Кристин станала еден вид „советник“ за пријателите и семејството. И постојано ги слуша истите реченици: „Тој е премногу паметен, затоа му е здодевно“. „Таа не се вклопува затоа што училиштето не ја предизвикува доволно“.

@teachingbelike Parents this is what teachers want you to know but can’t tell you #teachingbelike #teacherlifebelike🤓😅 #teacherlife #teachercomedy #teachertruth #honestteacher #harahreality #sarcasticteacher #teacherstruggles ♬ Still D.R.E. – Instrumental – Dr. Dre

Но, според нејзиното искуство, родителите често ги користат овие изјави за да избегнат подлабоко истражување: Што навистина се случува дома? Дали се поставени граници? Дали има последици? Дали на детето му е потребна поголема поддршка?

Кристин забележува дека на некои родители им е тешко да прифатат дека нивното дете има развојни предизвици, како што се аутизам или АДХД, и затоа избегнуваат да дискутираат за професионалните евалуации.

Видеото на Вилет брзо станало вирално, а многу учители коментирале дека го доживеале истото.

Конечно, Кристин има важна порака за сите родители:

-Кога училиштата и родителите работат заедно за доброто на своето дете, сите победуваат. Но честопати се чувствува како да сме едни против други, а децата се оние што најмногу страдаат.

Извор