Шерилин Сју, мајка на 4-годишно момче и 2-годишно девојче, вели дека никогаш не им купила новогодишен подарок на своите деца, а причината не се финансиите.

Иако децата веруваат во Дедо Мраз и семејството го слави Божиќ, таа и нејзиниот сопруг претпочитаат да им „подарат“ искуство.

– Им објаснивме дека Дедо Мраз е многу зафатен и дека тој сака да им подарува подароци на децата, но мора да се фокусира на оние што немаат многу – објаснува мајката.

Наместо тоа, Сју верува дека постојат и други начини децата да уживаат во Божиќ, па затоа целото семејство оди на одмор, посетува различни настани и поминува време на плажа.

– Ние ги цениме искуствата повеќе од материјалните работи. Распонот на вниманието на децата е краток, а искуството ќе трае со години. Тие ќе се сеќаваат на празниците, патувањата во забавните паркови и зоолошките градини. Кадифените играчки не го даваат тоа чувство. Токму поради ова, нашите деца се благодарни за играчките што ги имаат. Мислам дека родителите не треба да чувствуваат толкав притисок да им дадат на своите деца сè што ќе побараат, особено оние што тешко можат да си го дозволат тоа – вели таа.

Извор