Дали ви се чини дека вашето дете е секогаш болно? Дали сте загрижени дека му давате премногу лекови? Можеби мислите дека вашето дете има ослабен имунолошки систем или сте загрижени дека лековите негативно влијаат врз неговиот организам? Ако одговоривте потврдно на барем едно од овие прашања, можеби верувате во некои од почестите митови кои не се вистинити. Според педијатарот Нихар Парек, постојат дури три мита во кои родителите веруваат, а не треба.

Честите болести значат дека имунитетот на децата е послаб

Ова е еден од најчестите митови кога зборуваме за имунитетот на децата. Според д-р Парек, ако детето редовно се разболува на секои 15 до 20 дена, тоа не значи дека има слаб имунитет.

-Настинката и температурата всушност се знак дека вашето дете има способност да ги „пронајде“ овие вируси и бактерии и да се бори со нив – објаснува педијатарот.

Лековите можат да го ослабат имунитетот на децата

Родителите често се загрижени дали имунитетот на нивните деца ќе се намали поради пречестата консумација на антибиотици и други лекови против симптоми на настинка или кашлица. Одговарајќи на оваа загриженост, која не е ниту научно заснована ниту потврдена, д-р Парек вели: „Ако се даде вистинскиот лек од вистинската причина – т.е. антибиотик за бактериска инфекција, сируп за кашлица – тоа не му наштетува на имунитетот на детето.“

Постојат лекови што можат да ја спречат болеста на вашето дете

Како што објаснува педијатарот, не постои лек кој може да го спречи вашето дете да се разболи. „Постојат мултивитамини и одредени лекови кои можат да помогнат и да зајакнат одредени системи за да не бидат погодени одново и одново. Но, не постои златен адут што може да ги спречи децата да се разболат“, заклучува педијатарот.

Извор