Да ги разбереме дилемите што секој родител може да ги има: Јас во улога на родител сакам да знам сè!

Модринките се, всушност, оштетувања на малите крвни садови на површинските делови на кожата. Најчеста причина за појава се ненамерните удари при игра, но исто така модринките се поврзуваат и со сериозни повреди, како што се трауматско раскинување на мускулите, лигаментите, оштетување на зглобовите, скршеници на коските.

Модринка или згрутчување на крвта (хематом) се однесува на згрутчување на крвта надвор од крвните садови, што се јавува кога крвниот сад е оштетен. Модринките обично се предизвикани од удар, но можат да се појават на нозете и на телото и без физичка повреда! Промената на бојата на кожата е предизвикана од протокот на крв во поткожното ткиво.

Што може да ги предизвика модринките кај моето малечко?

Многу болести можат лесно да предизвикаат модринки кај децата – некои се привремени, не се сериозни, додека други имаат потреба од постојана медицинска помош. Тие се и многу чести кај доенчињата. Често се наоѓаат на долниот дел од ногата, особено кај малите деца кои учат да одат.

Новонастанатата модринка може да биде црвеникава, по неколку часа станува сина или темнозелена. По неколку дена модринката станува жолта или зелена.

Првиот ден модринката најчесто е болна, но болката обично брзо исчезнува. Бидејќи кожата не е отворена, не постои ризик од инфекција! Ако модринките се случуваат на истото место повеќе од еднаш, многу е веројатно да остане постојано жолтеникаво-кафеава дамка предизвикана од повисока концентрација на железо во кожата.

Како знам која модринка може да ми послужи како аларм за моето дете?

Големината, локацијата и обликот на модринката ни се доволен показател за начинот на повредата! Помалку модринки на вашето детенце може да се третираат дома, понекогаш ставајќи мраз на оштетено место и тие ќе поминат за ден-два. Поголемите модринки бараат хируршки третман, а најсериозните – престој во болница. Ако модринките се придружени со болка, може на детенцето да му се даде парацетамол или некои нестероидни антиревматици.

Некои од можните причини за појава на модринки без удар кај вашето дете се следните:

-недостиг на витамин Ц, Б12 или К;

-несакани ефекти на одредени лекови, особено разредувачи на крвта како што е аспиринот;

-нарушувања на згрутчување на крвта;

-менингококна сепса (ненадејна појава на модринки во рок од неколку часа, најчесто на глуждовите и ова се смета за медицински итен случај!);

-прекумерна изложеност на сонце;

-интензивна физичка активност;

-автоимуни болести.

Може ли спонтаната појава на модринки да ми укаже на нешто посериозно?

Спонтана појава на модринки може да укаже на недостиг на некои хранливи материи и витамини во телото, како витамин Ц, но исто така може да биде симптом на некоја болест, како што се, на пример, анемија и леукемија.

Дополнително треба да се консултира лекар ако се појави модринка на главата или на окото, ако детето има треска, ако станува поспано, или ако има тешкотии при одење или зборување и се жали на оштетување на видот.

Дали моето малечко добива доволно витамин Ц?

Оваа хранлива супстанција е од суштинско значење за третманот на модринките. Ако не го консумираат доволно, може лесно да се појават модринки без удар. Можете да забележите дека е потребно многу повеќе време за модринките да се намалат. За подобра циркулација на крвните клетки, најмалку двапати дневно вашето малечко да внесува храна како овошје, спанаќ, брокула и зелена салата.

Сум слушнала и за витамин К. Која е неговата функција?

Витаминот К игра централна улога во нашето тело, првенствено за коагулација на крвта. Витаминот К во црниот дроб ги активира неактивните прекурзори на коагулационите фактори. Следствено, ако во телото не постои витамин К, факторите на коагулација не можат да се конвертираат и се појавуваат модринки, петехии и крвавења.

Дефицит на витамин К се јавува релативно ретко, бидејќи витаминот К е содржан во храната, а може да се формира и од самата интестинална флора.

Мајки и татковци, запомнете, само во случај на:

-модринки кои траат подолго од 2 недели;

-модринки кои се непропорционално големи во однос на повредата;

-модринки на необични места;

консултирајте се со вашиот лекар!!!

Во случај детенцето да има нормална модринка поради физичка повреда, ставете на тоа место лед завиткан во тенка крпа. Вашето малечко нека проба да го држи тоа 20 минути. Модринката ќе исчезне во рок од 2 недели од ударот.

Имајте ги секогаш и овие лекови во вашата домашна аптека:

-Витамин Ц

За да го забрзате лекувањето на крвните садови, давајте му на детенцето витамин Ц два до три пати на ден во период од една недела. Покрај тоа, поттикнете го вашето дете да јаде ананас и папаја затоа што токму тие содржат ензими кои му помагаат на телото да ја апсорбира крвта што предизвикува појава на модринки.

-Тоник од арника

Арниката е најдобрата билка за кршење на хемоглобинот (сината боја на модринки што е можно побрзо преминува во зелена, во жолта боја, а потоа исчезнува). Половина мала тегла полна со цвеќиња од арника и попрскана со концентриран алкохол.

-Крем за модринки

Во базата за кремови (белобаза, космобаза, лекобаза …) или во детски крем, измешајте ја тинктурата на арниката.

ЈАС КАКО РОДИТЕЛ НЕ СМЕАМ ДА ЗАБОРАВАМ:

• Подигнете ја ногата на вашето малечко. Или раката, ако има модринка на неа. Повредениот екстремитет треба да се подигне над нивото на срцето за да се намали крвниот проток, а со тоа и отокот.

• Ладни облоги. Откако ќе го кренете повредениот екстремитет, заврзете го ледот во парче ткаенина или газа и избегнувајте директен контакт со кожата за да ги избегнете смрзнатини. Мразот нека стои 15-20 минути. Повторете ја целата процедура неколку часа по повредите, а потоа онолку колку што детето може да го носи, а потоа следниот и можеби уште неколку дена. Студот ќе доведе до собирање на крвни садови и ќе го ограничи протокот на крв, а исто така ќе ги спречи нервите да испраќаат пораки за болка до мозокот.

• Топло-ладно. Кога се појавува класична сина модринка, време е да се премине од ладни облоги на топли премази или термонапонски или електрични перничиња. Треба да се примени истата постапка на поставување и отстранување како во ладни облоги, бидејќи тоа ќе го забрза лекувањето – со ширење крвни садови и доведување свежа крв во местото на повреда.

• Поедноставување на работите. Ако вашето дете се пожали на главоболка или каква било друга болка, може да му дадете парацетамол. Не користете аспирин или ибупрофен бидејќи можат да го зголемат крвавењето, бидејќи се познати моќни антикоагуланти. Внимавајте, кај децата на возраст под осумнаесет години аспиринот е поврзан со синдромот на Реј, болест што може да биде опасна за живот!

ВАЖНО Е ДА РАЗБЕРАМ:

Детските модринки не се многу невообичаени бидејќи тие имаат тенденција да паѓаат и да се удираат со своите врсници. Но, модринките кои се случуваат спонтано и зачестено треба да се проверат и истражат, со цел да се пронајде причината и да се преземат соодветни превентивни мерки барајќи ја адекватната медицинска нега и грижа.