Познатата холивудска двојка Мила Кунис и Ештон Качер, со години не им подаруваат божиќни подароци на своите деца. Иако на прв поглед е невообичаено, нивната одлука се заснова на длабоко разгледани причини и желба нивните деца да растат со вистинските вредности.

Кунис и Качер се родители на десетгодишната Вајат и осумгодишниот Димитри. Но, животот со познати родители не секогаш значи дека децата ќе ги пречекаат куп подароци под елката. Во едно интервју Мила Кунис открила дека решиле да се откажат од подароците од божиќната традиција.

-Наша традиција е да нема подароци за децата. Го воведовме ова затоа што, кога децата беа бебиња, тоа не им беше важно. Минатата година, кога го прославивме Божиќ, Вајат имаше премногу од сѐ. И бабите и дедовците носеа подароци и тогаш сфативме дека децата воопшто не ги ценат подароците. Тие не знаат што сакаат, само очекуваат еден куп работи – објаснила таа.

За да избегнат да даваат подароци, Мила и Ештон побарале од нивните родители да го ограничат износот на подароците.

-Им рековме: „Ве молиме, ако треба да подарите нешто, направете тоа да биде еден подарок. Во спротивно, направете донација на нивно име – во детска болница или засолниште за животни, што сакате“. Ова сега е нашата нова традиција – додала актерката.

Парот не сака нивните деца да растат разгалени или со чувството дека сѐ им е дадено на послужавник.

-Не сакаме да одгледуваме деца кои ќе бидат груби или разгалени – искрено признале тие.

Покрај тоа што избегнуваат прекумерно давање подароци за празници, Мила и Ештон одбиле да основаат фондации за своите деца. Ештон еднаш нагласи дека ќе го донира своето богатство во хуманитарни цели.

Извор