Самодовербата на девојчињата често се гради преку секојдневните постапки и пораки што ги добиваат од своите мајки. Од начинот на кој зборуваат за себе до пораките што ги пренесуваат за животот и вредностите, мајките играат голема улога во обликувањето на чувството за самодоверба кај своите ќерки. Според советничката Лиза Либерман-Ванг, еве некои од навиките што ги практикуваат мајките на самоуверени девојки.

Мајките избираат да бидат модел за своите ќерки

Старата поговорка прави како што велам, не како што правам јас повеќе не важи, тврди советничката.

-Девојчињата учат преку однесување, па затоа е важно мајките прво да се сакаат себеси такви какви што се, без да чекаат промени во изгледот или околностите. Кога се фокусираат на благодарност и прифаќање, нивната самодоверба расте, а нивните ќерки го следат примерот – објаснува таа.

Тие се пример за здрав начин на живот, а не за екстремни и нездрави диети или самокритика

Кога акцентот е на здрави навики и животни избори, а не на диети или незадоволство од нивниот изглед, девојчињата учат да ги прифатат своите тела и да се чувствуваат вредни.

-Ова го прекинува циклусот на несигурност и ниска самодоверба од една генерација до друга – вели Либерман-Ванг.

Си кажуваат позитивни работи

-Мајките на самоуверени девојки одвојуваат време секој ден да се пофалат себеси и да се потсетат на сопствените квалитети. Кога го прават ова со своите ќерки, тие создаваат рутина што гради внатрешна сила и чувство на моќ.

о ограничуваат влијанието на медиумите

Негативната содржина од списанијата или популарната култура што диктираат како треба да изгледаат жените е деструктивна за самодовербата.

-Мајките што ги отстрануваат таквите влијанија им покажуваат на своите ќерки дека тие се доволно добри онакви какви што се, без да се споредуваат со нереални стандарди – вели советничката.

Им кажуваат на своите ќерки секој ден колку се посебни

Редовните изрази на љубов и пофалби им помагаат на девојките да се чувствуваат сакани и ценети.

-Наместо да го нагласуваат изгледот, мајките нагласуваат особини како храброст, љубопитност, интелигенција и креативност, што поттикнува здрава самодоверба – вели експертот.

Вложуваат труд во сè што прават, но простуваат грешки

-Овие мајки го нагласуваат процесот, а не совршениот резултат. Ова им покажува на нивните ќерки дека е во ред да се прават грешки, да се истражува и да се учи. Овој пристап создава простор за радост, игра и раст – заклучува Либерман-Ванг.

Извор