Ѕвездата на минатогодишниот филмски хит „Барби“, Марго Роби, го покажа трудничкиот стомак и на тој начин откри дека чека бебе. Ова ќе биде прво дете за актерката и нејзиниот сопруг, продуцентот Том Акерли.
Својата бременост ја објави во јавноста појавувајќи се во црна јакна и панталони и бел топ со откриен труднички стомак. Сите странски медиуми веднаш ја пренесоа среќната вест. Последните недели актерката го криеше стомакот со широка облека, а пред фотографите често носеше чанта пред стомакот.
MARGOT ROBBIE IS PREGNANT😭 CONGRATS MOTHER pic.twitter.com/PDNbhcho9m
— pop culture gal (@allurequinn) July 7, 2024
Познатите мајки од светот на музиката, филмот или спортот ја најавуваат својата бременост на различни начини, некои објавуваат на социјалните мрежи, додека други едноставно се појавуваат во јавноста со поголем труднички стомак.
2024 година е година на бебињата во славниот свет, па Хејли Бибер, Софија Ричи, Руни Мара, Ванеса Хаџинс, Менди Мур, се бремени. Дознајте како некои од нив ја открија среќната вест.
Ванеса Хаџинс
Актерката Ванеса Хаџинс ѝ ја соопшти среќната вест на јавноста на овогодишното доделување на „Оскарите“. 35-годишната актерка прошета во долг црн фустан од Вера Ванг и ги потврди шпекулациите дека го чека своето прво дете.
Ѕвездата од „Средношколски мјузикл“ е во брак со бејзбол-играчот Кол Такер од декември 2023 година, а додека носеше тесен црн фустан на црвениот тепих на „Оскарите“, таа се одлучи за проѕирен фустан за забавата на „Венити фер“.
Хејли Бибер
На 10 мај 2024 година 27-годишната девојка објави на „Инстаграм“ дека таа и нејзиниот сопруг Џастин Бибер го очекуваат своето прво дете. Објавата на вртелешка покажува слики од идната мајка во бел фустан, како ги држи дланките на своето стомаче, додека музичарот се појавува на сликите како нејзин фотограф. Вклучува и клип од парот кој ги обновува своите завети.
Парот, кој се венча пред пет години, претходно отфрли неколку шпекулации за бременост, но во неколку интервјуа изрази желба да го прошири семејството.
Руни Мара
39-годишната актерка го очекува своето второ дете со ѕвездата на „Џокер“ – Хоакин Феникс. Веста за нејзината бременост беше откриена во февруари кога таа зачекори на црвениот тепих за премиерата на нејзиниот нов филм „Ла Кочина“, на меѓународниот филмски фестивал „Берлинале“ во Берлин.
Менди Мур
Актерката и музичарка Менди Мур го најави своето трето дете со изразот „Големата тројка“ од популарната серија во која има главна улога „Ова сме ние“, а следбениците и обожавателите на серијата ги воодушеви со веста дека по два сина чека ќерка.
-Понекогаш животот ја имитира уметноста. Наскоро трет член во нашата голема тројка. Едвај чекам овие момчиња да добијат сестра – напишала 40-годишната Менди во објава на „Инстаграм“.
Автор: Тајана Третњак
912