Јас верувам дека може да го промениме светот со својот ум. Вие ја имате моќта да ја измените сопствената реалност и начинот на кој размислувате влијае врз начинот на кој го гледате светот.

Ова, исто така, е вистина кога зборуваме за родителството. Според студија извршена од истражувачкиот центар „Пју“ на тема модерно родителство, колку добро ја оценувате вашата работа како родител има директна корелација со тоа колку сте задоволни од времето што го поминувате со вашите деца. Според студијата, родителите кои велат дека се среќни со времето што го поминуваат со децата, поверојатно е речиси 3 пати повеќе да пријават и дека вршат одлична работа како родители. Само 11 отсто од родителите што пријавиле дека поминуваат малку време со децата исто така пријавиле дека вршат одлична работа како родители. Во исто време, 30 отсто од родителите кои велат дека се среќни со времето што го поминуваат со своите деца, исто така, пријавиле дека извршуваат одлична работа во родителството.

Ова е многу лична статистика за мене бидејќи имам тенденција да спаѓам во категоријата од 36 отсто или „малку време“ клубот. Бидејќи се справувам со тоа на дневна основа, се чувствувам квалификувано да ја потврдам позицијата што произлегува од податоците: сè е во нашите глави. Ако сте како мене и често се чувствувате како да не поминувате доволно време со децата, не давајте се. Ќе ви помогне ако направите чекор наназад и погледнете што сте направиле цела недела, а не само денес. Шансите се дека сте поминале доволно време со семејството во текот на неделата. Ова го правам јас кога имам премногу обврски и мислам дека ги занемарувам децата, па оваа тактика ми помага.

Лекцијата со која сакам да ве оставам е оваа: вие одредувате дали сте задоволни од времето поминато со семејството. Кога ќе одлучите дека сте среќни со тоа, повеќе ќе си дадете потврда и за вашата заслуга како родител.

Автор: К. Б. Хаббард

Извор