Посвојувањето дете, без сомнение, е сериозна одлука за која идните родители мора да бидат подготвени. Но, за оние што ќе се одлучат да посвојат дете со посебни потреби, овој чекор носи уште поголема одговорност.
Идните родители треба да знаат многу нијанси за воспитувањето деца со посебни потреби и да ги отворат своите срца и умови за да им помогнат на децата да растат опкружени со среќа.
Катерина е една од оние што решиле да се позанимаваат со животот и посвоила девојче со Даунов синдром. Таа решително си постави нова животна цел, а тоа е: да ја опкружи својата ќерка со апсолутна убавина и љубов. Катерина долго време сонувала да посвои дете. Уште како дете таа одлучила дека нејзините деца ќе бидат посвоени затоа што на многу деца им треба семејство и љубов. Кога таа и нејзиниот сопруг се впуштиле во процесот на посвојување, не знаеле дека ќе посвојат дете со посебни потреби.
Сакале мало, здраво бебе, исто како оние што често се прикажуваат во видеата за посвојување на телевизија. Но, подоцна дознале дека има 5-годишна листа на чекање за посвојување.
Тие сакале да им помогнат на оние на кои им била потребна помош, кои би останале да седат во 4 ѕида и можеби никогаш нема да бидат пожелни за посвоителите. Не требало долго да размислуваат кого да посвојат. Во базата на податоци секое второ дете имало Даунов синдром. А Лиза, нивната идна ќерка, била најнеобичното бебе, изгледала како мала хероина од цртаните филмови.
Првата средба со нивната ќерка била полна со емоции. На Катерина ѝ било многу чудно да запознае туѓо дете. Но, на прв поглед сфатила дека ова мало девојче не е непознато. Таа била нивна ќерка. Често се вели дека посвоителите веднаш можат да го „почувствуваат“ своето дете. Кога ја видела Лиза, Катерина почувствувала пеперутки во стомакот.
И ѝ било многу тешко да си оди дома без Лиза.
– Ми се чинеше дека ја изневерувам оставајќи ја сама во домот. Но, моравме да ја завршиме целата документација пред сите заедно да си одиме дома. А што се однесува до Лиза, таа сепак мораше да научи како да ги покажува своите чувства. На крајот на краиштата, децата во сиропиталиштата не плачат кога се несреќни затоа што никој не доаѓа да ги утеши – изјави Катерина.
Лиза ја инспирирала мајка си да почне да прави прекрасни костими. Катерина сакала да создаде бајка околу нејзината ќерка. И ако тоа не било секогаш можно во животот, дефинитивно фотографијата се покажала како волшебна авантура.
Лиза, како и повеќето девојчиња, сака нова облека. Половина ден може да пробува различни фустани и да се врти пред огледалото. А сликањето за неа е како игра. Родителите никогаш не ја принудуваат Лиза да прави нешто што не сака. Ако не е расположена за позирање, таа само го одложува фотографирањето за друг ден.
Притоа, сите кадри служат како забавно патување до интересно место во убава облека. И како што сите знаат, позитивните емоции и новите впечатоци многу добро влијаат врз развојот на децата.
Пред мајката има многу предизвици, но таа ги надминува како вистински професионалец.
Катерина има трогателна порака за сите родители.
– Ако имате посебно дете, сакајте го! За него сте најважната личност на светот. Тоа ќе ве сака на начин на кој никој друг не може. Нема потреба да се сожалувате или да се обвинувате себеси. Вашето бебе е прекрасно. Можете да направите сè и сешто. Во меѓувреме, само уживајте во времето поминато со него – напиша таа.
912