Новите мајки знаат дека првите неколку месеци со мало бебе може да биде период кога мајката се чувствува многу осамена, односно има чувство како да пропушта многу нешта. Додека бебето не најде свој ритам, додека мајката не се усогласи со бебето, а потоа додека не се усогласи и со другите мајки и пријатели – тоа изгледа како невозможна мисија, како да е толку тешко да се најде друштво кога се има мало бебе. А кога на сето тоа ќе се додадат летото и поголемите деца…
Емили споделила видео на нејзиниот профил на „Тик-ток“ прашувајќи дали другите мајки на летни бебиња се чувствуваат осамени и се прашуваат дали го пропуштаат летото.
-Во ред, сакам да споделам со вас што ме мачи во моментов бидејќи се чувствувам како понекогаш да ги гледаме само добрите работи, и иако во мојот живот во моментов има многу добри работи, моментално се борам со летно бебе на Средниот Запад. Топло е насекаде во моментов. И едноставно е тешко. Имам сè што му е потребно на бебето за да му биде удобно, но не може да користи крем за сончање освен ако не мора. Не е ситуација како кога одиш на одмор и имаш помош. Ова е мое секојдневие и едноставно се чувствувам како да сум заглавена – се пожалила Емили.
@takeaminutemama Can anybody else relate? Yes, we still get out and do plenty but it’s just different and changes hard. I think anybody can understand that. #momsoftiktok #junepregnancy #summerbaby #momofthree #babynumber3 #relatablemom ♬ original sound – Emily | mom life & laughs
Емили рекла дека се чувствува како да „пропушта“ многу бидејќи со мало бебе не може цел ден да биде на плажа или на базен, да лежи и да се сонча. Таа алудира и на концептот „сончева вина“, што во основа значи дека многу луѓе чувствуваат оти „мора да излезат и да уживаат во денот“ кога времето е убаво.
-Се чувствувате лошо затоа што нешто пропуштате, а денот бил толку убав – објаснила таа.
-Знам дека следното лето ќе изгледа поинаку. Ќе имам едногодишно дете кое ќе трча наоколу и ќе може да направи многу повеќе, но тука сум само да кажам дека ако и вие се чувствувате како да сте заглавени ова лето со бебе, колку и да го сакате, колку и да е бебето сè што некогаш сте посакувале, сепак е тешко, бидејќи ништо не изгледа како минатата година – заклучила таа.
Видеото на Емили станало вирално, а многумина во коментарите се согласиле со нејзиното искрено мислење, согласни дека летото со бебињата може да биде предизвик.
„Многу сум среќна што го видов ова видео. И јас го чувствувам ова. Се чувствувам лошо за моите малечки бидејќи сега не ги изнесувам надвор како порано бидејќи имам и двомесечно дете“, напишала една мајка.
„Летните бебиња НЕ се она што мислев дека ќе бидат – заклучил трет корисник.
Инаку, Емили има и две поголеми деца – едното има шест, а другото три и пол години. Најчесто си играат надвор во дворот и се забавуваат, па има еден помал притисок во таа смисла, за разлика од оние родители што ја немаат таа можност со поголемите деца. Една голема вистина за родителството е дека некои фази се само потешки од другите. Да имате новороденче во лето не е супер идеално ако имате и поголеми деца, бидејќи логистиката е тешка. Но и тоа ќе помине…
912