Мајкл Маден предизвикал реакции на социјалните мрежи откако открил дека на својата 6-годишна ќерка Роуз ѝ наплаќа кирија и комуналии. Тој го споделил необичниот метод на родителство на „Тик-ток“, тврдејќи дека тоа ја учи на основни финансиски вештини.

Како изгледа „киријата“ за дете?

Во видеото, кое брзо станало вирално, Маден тропа на вратата на својата ќерка и ѝ вели: „Еј, душо, тука сум да ја наплатам киријата“. Потоа бара 3 долари за кирија и 1 долар за комуналии. Роуз му ги дава парите од нејзината касичка, а тој ѝ се заблагодарува и вели: „Се гледаме следниот месец“.

-Ако научи за парите на 6 години, нема да има проблем со нив кога ќе има 26 години. Таа учи дека парите се заработуваат, а не дека само се примаат – рекол таткото во описот на видеото.

Како Роуз ги заработува парите?

За да заработи 5 долари неделно, Роуз мора да заработи 25 поени со извршување домашни работи како перење алишта, миење заби и средување на креветот. Откако ќе ја плати „киријата“, ѝ остануваат 2 долари за трошење или заштеда.

-Кога одиме во продавница и таа вели дека сака играчка, ја прашувам колку пари има и дали можеме да ги вклопиме во буџетот – истакнал Маден.

@michael_talksmoney

DM me for the Budget Binder, Savings Challenge Binder, and Chore Chart links. I’ll send them right over! She pays rent. She tracks her chores. And yes, we make it fun like a game. She loves it. She’s motivated to do the same tasks she already should be doing, but now there’s a reward tied to it. She’s learning that money is earned, not given. And soon, we’ll teach her how to budget, save, and buy the things she wants, if she has the money for it. Because learning to work with money at 6 means she won’t struggle with it at 26. 💸

♬ original sound – Michael -IG michael_talksmoney

Таткото планира да ги заштеди парите за факултет или идни потреби. Ако Роуз заработи повеќе од 25 поени, таа добива награда, како сладолед или книга за боење. Но, ако не го достигне минималниот број поени, нејзиниот додаток се намалува.

-Минатата недела таа имаше само 16 поени бидејќи нејзината баба беше во посета. Па го приспособив правилото така што таа мора да има најмалку 14 поени за да добие 2 долари – додал тој.

Јавноста е поделена

Видеото предизвика голем број коментари. Некои корисници велат дека пристапот е претеран, а други го поддржале.

Што велат експертите?

Дебора Гилбоа, лекарка и експерт за психолошка отпорност, вели дека шест години е идеална возраст за да се започне со учење за парите бидејќи тогаш училиштата често ги воведуваат основите на финансиската писменост. Таа верува дека децата треба да учествуваат во домашните работи затоа што се дел од семејството, а не само за награда.

-Ако им плаќаме секојпат, тие би можеле да одлучат дека не вреди трудот, а тоа не е пораката што сакаме да ја испратиме – објаснила таа.

Извор