Популарните играчки и додатоци за капење во море, езера, реки или базени може да бидат опасни. На ова предупредува д-р Меган Мартин, која работи на одделот за итни случаи во детската болница „Џонс Хопкинс“ во САД.

Таа објаснила дека никогаш не би им давала одредени играчки на своите деца и ги советува другите родители да не ги купуваат.

Помагала на дување за поддршка на вратот

Овие предмети се одлични теоретски бидејќи имаат цел да ја држат главата на детето над вода, но некои може да имаат полоша страна.

-Прво, детето може да се задуши. Освен тоа, на родителите им дава лажно чувство на сигурност и ве принудува да бидете расеани, што никогаш не треба да го правите додека детето е во вода – рекла таа.

„Мускули“ за пливање

Друга работа што ја споменува д-р Мартин се „мускулите“ за пливање.

-Кога децата ги користат, мислат дека знаат да пливаат, но не знаат. Можеби подоцна ќе скокнат во базенот без нив, а потоа ќе потонат на дното. Исто така, за време на пливањето телото треба да биде во хоризонтална положба, а „мускулите“ го држат во вертикална положба – рекла таа.

Големи воздушни душеци

Ако детето е мало и си игра со душекот, лесно може да се зароби под него и да остане под вода.

Опашки од сирена

Опашките од сирена се популарни во последно време, но д-р Мартин истакнува дека сè што го ограничува движењето на нозете или стапалата носи ризик од давење.

-Сакаме децата да можат да мрдаат со нозете за да се вратат на површина. Ако движењето е ограничено, можеби нема да можат да го направат тоа – заклучила таа.

Извор