Има многу совети за бременоста, но често не се споменува една клучна информација – редовното вежбање може значително да влијае врз развојот на мозокот на детето.

Д-р Нена Чандрасекаран, специјалистка по пулмологија која работи во одделението за интензивна нега, ги повикала бремените жени да воведат едноставна практика во нивната рутина која бара минимален напор, но носи големи придобивки. Според неа, доволно е да се вежба само три пати неделно за да се поттикнат позитивни промени во развојот на детето.

Според истражувањето цитирано од д-р Чандрасекаран, трудниците кои редовно вежбаат можат да го подобрат развојот на мозокот на своето дете уште пред раѓањето.

-Студиите покажуваат дека жените што вежбаат за време на бременоста го поттикнуваат развојот на мозокот на своето бебе – објаснила таа.

Во видеото објавено на социјалните мрежи таа истакнала дека научниците забележале позрела мозочна активност кај бебињата чии мајки вежбале за време на бременоста, што е поврзано со подобри ментални способности подоцна во животот.

Овие студии, кои ги претставуваат првите резултати од рандомизирани контролирани испитувања, потврдуваат дека вежбањето на мајката за време на бременоста, може да има долгорочно влијание врз менталниот и когнитивниот развој на детето.

Watch on TikTok

20 минути три пати неделно се доволни за да направите значителна промена

За позитивно да влијаете врз мозокот на вашето бебе, доволно е да вежбате три пати неделно по 20 минути. Д-р Чандрасекаран нагласува дека не е неопходен интензивен тренинг. Дури и лесните активности како пилатес, истегнување или едноставна прошетка може да имаат значително влијание. Дополнително, вежбањето го подобрува протокот на крв низ плацентата, обезбедувајќи подобро снабдување на бебето со кислород и хранливи материи.

Извор