Колку сладоледи смеат да јадат децата? Нутриционист вели дека е помалку е отколку што мислите
Децата го обожаваат сладоледот, но тоа не значи дека треба да го јадат секој ден и без ограничување. Според нутриционистот Софија Кованова, количината што се смета за прифатлива е далеку помала отколку што повеќето родители претпоставуваат.
Во текот на топлите летни денови сладоледот често изгледа како совршен избор за разладување. Но Кованова предупредува: децата не би требало да изедат повеќе од една голема топка, односно околу половина чаша сладолед дневно, и тоа само ако не го консумираат секој ден.
Причината е едноставна. Сладоледот содржи големи количини масти и шеќери, а таа комбинација не е препорачлива за редовна исхрана.
Ако детето сака почесто да ужива во нешто слично, Кованова советува да се одберат полесни варијанти, на пример, сладоледи од овошје или домашно приготвени здрави десерти.
Еден предлог: замрзнете банана, изблендирајте ја со шумско овошје и додајте малку слатка павлака. На тој начин добивате вкусен, кремаст десерт со многу помалку шеќери и масти.
