Со тригодишното дете водите вистинска борба кога треба да ја облече јакната, а воспитувачката за три минути облекува десет деца, вклучувајќи го и вашето. Тајната не е само во тоа што не им е родител – воспитувачите имаат техники што ги прават ефикасни, смирени и доследни.

Тајна #1: Без губење време

Детето ја слуша воспитувачка затоа што знае дека таа го мисли тоа што го кажува. Родителите често попуштаат на молбите „само уште пет минути“. Бидете доследни: предупредете неколку минути порано, а потоа без одложување тргнете. Направете го процесот забавен – користете ѕвонче за вечера, палење на светло за спиење или броење до 30 за собирање играчки. Децата сакаат натпревари, па можете да ги мотивирате со стоперка или графикон на успеси.

Тајна #2: Рутината носи мирен сон

Во градинка децата лесно заспиваат затоа што сите го прават истото. И дома воспоставете рутина: половина час пред спиење избегнувајте возбудливи активности.

Тајна #3: Важен е начинот на кој го кажувате нештото

Наместо да викате, кажете го тоа со тивок, но сигурен тон. Можете дури и да го отпеете. Воспитувачите користат свиркање, шепотење или гестови за да го привлечат вниманието. Кога ќе го добиете, кажете директно што сакате: „Слези од масата“ наместо долги предупредувања.

Тајна #4: Децата сакаат самостојност

Облекувањето е нивен начин да почувствуваат независност. Избирајте облека што лесно се облекува – тренирки наместо фармерки со патент. Подгответе ја навечер и вежбајте кога не брзате.

Извор