Американската академија за педијатрија препорачува бебињата да ја делат просторијата со родителите додека не наполнат шест месеци. Сепак, бебето треба да спие во креветче, а не во креветот со родителите.

Истражувањата покажаа дека оваа практика го намалува ризикот од синдром на ненадејна смрт на доенчиња во споредба со другите начини на спиење.

Од друга страна, ако бебето спие со вас, вие го ставате во голема опасност затоа што може да дојде до задушување, заглавување помеѓу душекот и рамката на креветот доколку често се движи во текот на ноќта и многу други проблеми.

Кога ќе наполни шест месеци, ставете го бебето да спие во својата соба во креветче. Ставете го бебето на грб, отстранете ги сите непотребни предмети од креветчето и погрижете се температурата во просторијата да биде помеѓу 20 и 22 Целзиусови степени. Се разбира, мониторот за бебиња може да биде корисен за да знаете што се случува во секое време.

Извор