Прво превозно средство со кое сите сме управувале е велосипед. Голем број родители пристапуваат со страв кон учењето на детето на вештините за возење велосипед, поради што и самите деца чувствуваат страв. Еве што секој родител мора да знае за тоа.

– Не постои идеална возраст на која можете да го учите детето да вози велосипед. Најдобро е да почекате самото дете да изрази желба.

– Сепак, помеѓу четвртата и осмата година од животот повеќето деца развиваат физичка координација, добра рамнотежа и принцип на запирање на својот трицикл или велосипед со помошни тркала, па се подготвени за учење велосипедски вештини. Она што како родители можете да го направите е психички ефект – да го подготвите детето за возење, да го предупредите на тоа дека веројатно ќе падне и дека тоа не е ништо страшно.

– Наместете го седиштето така што детето да може со нозете да ја допре земјата.

– Набавете заштитна кацига за детето, а првите тренинзи реализирајте ги на терен со трева за да се ублажи евентуалниот пад.

– Кога ќе го совлада вртењето на педалите, не пуштајте го на улица додека не го научите на сообраќајните правила.

Извор