Кетрин Хејгл се пошегува: Некој треба да одговара што ја споил перименопаузата со тинејџерите
Славната актерка Кетрин Хејгл искрено се пошегувала на тема што им е добро позната на многу родители на нејзина возраст кога се преклопуваат перименопаузата и тинејџерските години на децата. Многумина ја разбираат и се согласуваат со неа.
Перименопаузата конечно почна да се споменува во јавноста, иако далеку од тоа колку што е потребно. Таа носи многу проблеми, за некои дури и не знаеме доволно. Но свесни сме дека предизвикува многу физички и психолошки тешкотии. Кога сето тоа ќе се спои со бурниот пубертет и секојдневните конфликти со тинејџерите, родителството станува вистински предизвик.
Хејгл открива дека во моментов поминува низ перименопауза, но во исто време ги воспитува и своите три деца: ќерките Налеј (15) и Аделаид (13), како и синот Џошуа (8). Ситуацијата, како што вели, е сè освен лесна.
– Оној што ја „смислил“ перименопаузата во исто време со пубертетот треба сериозно да се опомени. Нивните хормони лудуваат, се обидуваат да се снајдат во новите тела и начини на размислување, а јас во исто време се борам со сопствените промени. Единственото што можам да им го кажам е: „Барем сме заедно во ова“.
Актерката со семејството живее во Јута, држава каде што се преселиле по иницијатива на нејзината мајка. Во една претходна изјава Хејгл раскажа дека уште како тинејџерка не се чувствувала пријатно во Холивуд.
– Некои луѓе сакаат планина, некои сакаат плажа. Јас сум дефинитивно планинска личност и отсекогаш сум била таква – изјави таа.
Кога имала 17 години, се преселиле во Лос Анџелес, но таму не успеале да се вклопат. Нејзината мајка сфатила дека ѝ е потребно место каде што ќе може да се повлече и да си ја расчисти главата. Тогаш почнале да бараат локација што ќе им одговара, и така стигнале до Јута. Хејгл веќе заработувала доволно за да инвестира во дом таму.
– Изградивме куќи со идеја да бидат за викенд или за бегство од работа, но почнавме сè повеќе време да поминуваме таму. Конечно, мојот маж го пријави местото како постојано живеалиште и си рековме да, ова е наш дом сега – раскажува актерката.
Извор
