Драги силни жени! Јас разбирам сè, не можете да ја контролирате својата моќ, тоа е „ваша природа“, и никој не може да ви каже поинаку. Јас не тврдам ништо. Но, ве молам, размислете за вашите деца и за сценаријата што им ги пренесувате! Не осакатувајте ги животите на вашите деца сосила. Тие неизбежно ќе одговараат на вашиот шаблон. За да го променат тоа, ќе им требаат натчовечки напори.
Ако сте силна жена која може да направи сè сама без никаква помош, вашите синови токму така ќе ги перципираат жените. Зошто да ѝ помогне? Таа сама може да се справи со сè. Зошто да троши пари на неа? Таа сама ќе ги заработи. Зошто би останала дома, дури и по породувањето? Нека работи!
Запознав огромен број такви луѓе. Сите тие се добри луѓе, без лоши намери. Многу добри. Но, не разбираат дека на жената може да ѝ биде тешко, дека ѝ треба заштита и помош. Затоа што пред нивните очи е мајката која прави сѐ сама. А кога телото ѝ се распаѓа, молчи за тоа.
И овие прекрасни мажи стануваат не толку добри сопрузи. Им замеруваат на своите сопруги за секој потрошен денар, бараат да работат и да го издржуваат домаќинството, вршат притисок… Жените трпат од таквиот третман. Причината за сето ова е нарушеното разбирање на женскиот пол. Во нивните глави постои стандард – „мајка“. Таа може да направи сè, управува со сè и генерално е одлична. Тие едноставно не гледаат ништо лошо во тоа.
Добро мајки, можеби и не се грижите толку за вашите идни снаи, но што е со вашите ќерки?
Ќерка на силна жена е онаа што се споредува со мајка си и губи. Затоа што не видела дека на мајка ѝ ѝ е тешко. Но, тешко ѝ е. Таа не може да направи сè. Таа не може да успее во сè.
Ќерката на силна жена нема право да се опушти. Секогаш се труди да преземе што е можно повеќе и го поднесува тоа херојски и стоички. Таа нема право на одмор. Ако малку прилегне – се чувствува виновна. А ако „не придонесува“, подобро да ја нема. Дури и ако е болна.
Не може да си дозволи да не работи, дури и ако не сака или не може. Таа ќе се присили да стане и да работи неуморно, често без никаква причина. Нема задоволство.
Да, се разбира, најверојатно природата на вашата ќерка исто така ќе биде активна и енергична. Но, каде ќе ја канализира таа енергија? Дали ќе се потроши? Или паметно ќе ја инвестира? Дали ќе падне во замката да верува дека „мора“? Или ќе најде друг начин да ја покаже својата сила?
Нејзиниот ум е полн со убедувања и стравови: никому не може да му се верува, морам да бидам независна, оној што не работи нема за леб. Сите овие верувања ги добила од нејзината мајка.
Ќерката на силна жена е осудена да биде силна однадвор и слаба однатре. Таа крие вина, стравови, нервози и вечна трка. А треба да биде обратно – слабост однадвор, но сила во срцето.
Ќерката на силна жена не знае да побара и да прифати помош, пари, грижа и заштита. Таа знае како да се стреми и да постигнува, но не знае како да биде среќна во сегашниот момент.
Ако не ја скротите и трансформирате својата сила, вашите деца ќе наследат сценарио кое само ќе им го комплицира животот. Изберете сценарио кое носи просперитет за сите околу вас, вклучително и за вас самите. Тоа хармонично сценарио нека биде вградено во вашите деца. Затоа, вашата задача во овој живот е потешка од другите. Но, ние не ја одбираме нашата задача, нели?
Размислете илјада пати пред да подлегнете на она што е наградено и општествено прифатливо денес. Работете на своите верувања и научете да прифаќате помош, побарајте ја и одморете се. Научете да не правите ништо понекогаш, а сепак да не се обвинувате себеси! И престанете да се форсирате како коњ за влечење. Ве молам. На крајот на краиштата, вие сте жени!
Нека нашите деца наследат похармоничен и разумен свет.
Автор: Олга Валајева
912