Да се ​​има квалитетно пријателство со луѓе од различни раси е поврзано со помалку пристрасни расни ставови, подобри социјални вештини, зголемена емпатија и намалена анксиозност во расно мешани средини. Сепак, и покрај многубројните придобивки, меѓурасните пријателства сè уште се релативно невообичаени.

Помладите деца имаат тенденција да имаат повеќе пријатели од различна раса, но тие врски често се распаѓаат кога преминуваат во адолесценција. И родителите сакаат да воспитуваат антирасистички деца, но тие не секогаш го моделираат однесувањето што самите сакаат да го видат. Па, што можат родителите да направат за да им помогнат на своите деца да создадат трајни, значајни расни пријателства во детството и пошироко? Подолу експертите нудат неколку совети.

Дајте им пример во рамките на вашиот круг

Прво, погледнете ги вашите пријатели, особено луѓето со кои детето ве гледа дека комуницирате. Кого каните на вечера или на забава? Со кои семејства одите на одмор?

– Родителите што имаат пријатели од друга раса им покажуваат на децата дека тоа е сосем нормално и вообичаено – вели психологот Дебора Палмер.

Во истражување од 2012 година, истражувачите откриле дека меѓурасните пријателства (а не нивните сопствени ставови за расите) на 84 мајки го предвидуваат нивото на расна пристрасност кај нивните деца, вели коавторот и професор од Универзитетот во Тексас, Остин, Ребека Биглер.

– Децата имале помала пристрасност кон расите кога нивните мајки имаа поголем процент на меѓурасни блиски пријателства. Претпоставувам дека малите деца што ги набљудуваат своите родители се обидуваат да го објаснат нивното однесување, па ако родителот не се дружи со други раси, се претпоставува дека и децата не ги сакаат. Ако на вашиот сопствен социјален круг му недостига разновидност, тогаш почнете да работите на проширување на вашата мрежа. Но, внимателно: треба да развиете автентични меѓусебни пријателства, а не да барате луѓе само за да имате корист од нив.

Преиспитајте го и тоа во кое маало сте избрале да живеете, каде одат на училиште вашите деца и слично. Тие места одредуваат со кого редовно комуницира вашето семејство.

Разговарајте отворено за расата и расизмот со вашите деца

Многу често родителите избегнуваат да разговараат за овие теми со своите деца. Тие се загрижени дека признавањето на разликите ќе предизвика предрасуди кај децата. Но, истражувањата покажуваат дека е токму спротивното: со избегнување на зборувањето за расите, родителите имаат поголема веројатност да имаат деца кои се расно пристрасни. Кога вашето дете ќе укаже на разлики во бојата на кожата, не игнорирајте го тоа, туку искористете ја можноста да водите дијалог за овие разлики.

Бидете свесни што зборувате и како постапувате околу луѓе од друга раса пред вашите деца

Важно е да разговарате со вашето дете за расите. Но, ако вашите постапки (стегањето на чантата кога поминувате покрај Ром) и она што ќе го кажете, противречат на антирасистичките идеали што ги проповедате, децата ќе ги апсорбираат штетните пораки. Запознајте ги децата со книги, ТВ-емисии и филмови со разновидни ликови и теми.

Обрнете внимание на медиумите што ги гледаат вашите деца

Дали има приказни со протагонисти од друга раса? Овие емисии, книги и филмови не само што ги изложуваат децата на различни ликови, искуства и гледишта, туку се и одлични за поттикнување разговор за расата.

Извор