Дали очекувате вашето дете да ги следи наредбите без прашање? Дали мислите дека секоја непослушност треба најстрого да се казни? Ако имате прекумерни барања од вашето дете, треба да знаете дека физички и емоционално го злоупотребувате.

Еден советник за ментално здравје еднаш побарал од тинејџери да напишат работи што би сакале да им ги кажат на своите родители. Тие не ги споменале вообичаени работи, туку што би сакале нивните родители да знаат за нив. Некои од одговорите биле: „Многу се трудам“, „Те молам не карај ме толку многу“, „Би сакал/а понекогаш да ме слушаш“, „Се плашам кога ми викаш“ и „Те молам престани да ме нервираш толку многу“.

За повеќето родители, тие одговори биле вистинско изненадување. Некои се обиделе да се оправдаат велејќи дека „ги подготвуваат децата за суров свет“, а други дека „тоа го прават за нивно добро“.

Родителите го сакаат најдоброто за своите деца, но понекогаш одат предалеку. Поради оваа причина, многу тренери ги советуваат родителите да се повлечат и да им дозволат ним да управуваат со спортските активности. Додевањето не им помага на децата да учат. Само кога ќе почнат да уживаат во она што го работат и ќе најдат радост во решавањето на задачите, ќе уживаат во образовниот процес.

Научно е докажано дека децата што се воспитуваат на многу авторитетен начин растат како луѓе со ниска самодоверба, прибегнуваат кон малтретирање, па дури и може да паднат во депресија. Многумина страдаат и од проблеми со тежината и се соочуваат со проблеми со регулирање на емоциите.

Накратко, стручниот совет е да се развие однос со децата полн со доверба, но не заснован на строгост. Кога ќе видите дека вашето дете ве оттурнува, тоа всушност се бори за простор за да го обликува својот идентитет. Кога ќе му дадете избор на вашето дете, му помагате да се чувствува како да има одредена моќ и контрола над својот живот, а тоа се смета за голем чекор кон растењето за да биде самоуверена и независна личност.

Извор