Мајки кои не се премногу опседнати со чистотата можеби веќе слушнале за „хигиенската хипотеза“ која тврди дека премногу чистите средини можат да придонесат за развој на алергии. Имунолошкиот систем развиен со помош на „неуредноста“ помага да се заштитиме од алергии и астма.

Истражувањата покажуваат дека децата што растат на фарми, изложени на животни, прашина и микроорганизми, имаат помалку алергии. Друго истражување со повеќе од 1.000 жители на Нов Зеланд покажа дека мајките кои живееле на фарма за време на бременоста имале деца кои имале двојно помала веројатност да развијат астма, како и помалку алергии. Ова укажува дека телото на трудницата реагира на стимулите од околината и создава антитела за фетусот.

Слично, децата што посетуваат градинка имаат заштитен ефект. Тие имаат помала веројатност да развијат алергии и астма подоцна во животот во споредба со децата што не посетуваат градинка. Во едно истражување тоа ја намалило појавата на астма за дури 75 отсто.

Кучињата како пријатели на имунитетот

Што значи ова за вашите миленици? Се чини дека домашните животни можат да бидат пријатели на бебињата. Тие создаваат средина со која телото на детето се заштитува, а нивната природна наклонетост може да го зајакне имунолошкиот систем.

Истражувањата покажуваат дека момчињата што живеат со кучиња во првата година од животот имаат помала веројатност да развијат алергии кон кучиња кога ќе наполнат 18 години. Девојчињата што растеле со куче во првата година имале малку зголемен ризик од алергии кон кучиња. И момчињата и девојчињата што имале мачки како бебиња имаат двојно помала веројатност да развијат алергии кон мачки.

Очигледно, најдобро време за изложување на милениците е кога децата се многу мали, односно бебиња, бидејќи тоа е клучен период за развој на имунитетот. Подоцна изложувањето не влијае толку многу.

Љубовта и имунитетот

Преку галењето и играњето со домашните миленици, имунолошкиот систем на бебето реагира и се штити од алергии, вклучително на трева, амброзија и грини.

Дали треба веднаш да земете милениче за вашето бебе? Можеби, но ако веќе имате миленици, истражувањата покажуваат дека нема потреба да ги држите надвор од домот или далеку од вашето дете. Напротив, галењето и звукот на предење можат да го зајакнат имунитетот на вашето бебе.

Извор