Родителите со причина се „плашат“ од другарчињата на своето дете на кои им тече носот. Мајките и татковците обично „полудуваат“ затоа што некои родители ги испраќаат децата во градинка или училиште кога им тече носот, но факт е дека не е секогаш лесно да се знае кога се работи за заразна инфекција, а кога не.

Понекогаш течењето на носот е предизвикано од алергиски ринитис, кој секако не е заразен, но во некои случаи може да биде и заразна инфекција. Педијатарот д-р Дарија Маркова открива во кои два случаи течењето на носот е заразно и детето не треба да оди во градинка.

Прва причина

Течење на носот може да биде само еден симптом на некоја болест, а ако е настинка во рана фаза, тогаш детето лесно може да зарази други. Понекогаш течење на носот може да се појави пред други симптоми на респираторни инфекции. Ако е придружено со температура, тогаш вирусот е веќе присутен во крвта и секретите (плунка или назален исцедок) и детето е заразно.

-Детето може да кива, па дури и да ја покрие устата со рака, но ако потоа не ги измие рацете и наместо тоа допира разни работи – кваки, играчки кои малите деца ги делат, вирусот лесно ќе се пренесе, објаснува педијатарот.

Освен тоа, децата во градинките и училиштата се во близок контакт, се гушкаат, понекогаш ненамерно пијат од иста чаша, а помладите може дури и да ја лижат играчката или рацете со кои ја допираат играчката… намалете го ризикот од инфекција, а она што можете да го направите е да го научите вашето дете почесто да ги мие рацете и да кива во свиткан лакт, како и да не ги става рацете в уста.

Исто така, ако вашето дете е доволно големо за да разбере, научете го да не става играчки в уста и да не ги трие очите со валкани раце.

Втора причина

Друга ситуација во која исцедокот од носот е „црвено знаме“ е кога секретот е бистар и се појавува во форма на млаз. Дури и ако нема температура или други симптоми, би било добра идеја детето да остане дома неколку дена.

Покрај тоа што на детето не би му било удобно надвор од домот затоа што треба да лежи и да му се стават капки во носот, ако на малечкото му тече многу носот, голема е веројатноста дека понекогаш ќе го избрише со рацете, што може да биде проследено со кивање и кашлање доколку секретот влезе во грлото.

-Во оваа ситуација, малото дете лесно може да зарази други бидејќи течењето на носот всушност може да биде заразно и без покачена температура – нагласува д-р Маркова.

Кога не треба да се грижите

Ако течењето на носот е поврзано со сезонски алергии, немате причина да се грижите за пренесување на инфекцијата. Дополнително, педијатарот нагласува дека течење на носот без температура или други симптоми не мора да значи ништо и може да биде знак дека детето се приспособува на новата средина.

Автор: Наташа Златковиќ

Извор