Мојата пријателка Даниел се пресели во друга земја кога нејзиниот син, Чејс, имаше 2 години, па јас пропуштив да го видам нејзиното мало момче како расте. Неколку години подоцна Даниел се јави и ми кажа за некои од проблемите што ги имала кога Чејс наполнил 14 години. Многу барал, бил груб и не бил упорен на училиште. Некогаш емоциите преовладувале и имал проблеми со низа неуспеси. Даниел заврши велејќи: „Требаше подобро да постапам кога беше мал, бидејќи сега плаќам за тоа.“ Таа паузираше и јас го задржав здивот чекајќи да продолжи – „Не знаев како правилно да воспитам дете.“

Леле. Знаев дека Даниел е паметна и сакана жена. И кога последен пат го видов Чејс, тој беше толку сладок и тивок. Што се случи? Нејзините зборови ме натераа да го погледнам моето дете со нови очи. Сигурно не сакав она што се случи со Чејс да се случи и во мојот дом. По уште неколку разговори со неа решив дека треба да направам некои промени. Знаев дека секогаш ќе го сакам моето дете, но сакав да воспитам дете што ќе ми се допаѓа – и дете што би го посакале и другите.

Еве ги 5. работи на кои избрав да поработам, а кои може да ви бидат корисни.

Основни манири

Ова е она што мојата пријателка го спомена како прво. „Те молам“ и „благодарам“ никогаш не се задржаа во неговиот вокабулар, се жалеше Даниел. За среќа, штотуку најдов пристап кој функционираше со моите деца: „Дали сакаш малку млеко? Да, те молам? Или не, ти благодарам?“ Со тоа што му го понудив љубезниот одговор пред време, научи како да покажува учтивост кон другите.

Специјален, а не посебен третман

Да, вашето дете е посебно за вас, но дали тоа чувствува дека треба да добие посебен третман? Дали на својот син му купувате нешто секогаш кога сте во продавница? Ѝ давате десерт на вашата ќерка по секој оброк? Оставате сè секојпат кога ќе викне вашето дете? Ова се работи на кои знаев дека треба да работам. Еден трик кој ќе ви помогне е да вежбате велење: „Ќе бидам таму за пет минути.“ Децата можат да се научат не само на трпение, туку и да сфатат дека имате и други обврски освен нив.

Пофалба

Обидете се да го „пофалите процесот, а не производот.“ Дури и ако вашето дете е суперпаметно, најдете начин почесто да укажувате на големиот напор. Даниел рече дека неодамна на Чејс му била предизвик училишната работа. Со години му велеа дека е „толку паметен“, па кога не добиваше петка, се бореше со сомнежот во себе. Даниел оттогаш се обидува да го промени своето размислување во „Можам да го направам ова. Јас сум вреден“, па тој да биде издржлив кога работите стануваат тешки.

Тренинг за компетентност

Дали вашите деца учат што можат да направат за себе? Самопочитта расте од учењето дека сте способни да ги завршувате работите сами. Затворање патент. Закопчување на јакната. За овие работи е потребно време. Но, поентата е повеќе од облечено дете, бидејќи слоевите во внатрешноста ја градат самодовербата кај детето. Компетентноста доаѓа од трпението и времето. Вашето дете се расправа со вас или плаче? Направете пауза и обидете се повторно подоцна. Овие внатрешни коцки за градба на личноста е важно да се редат уште сега.

Соочување со големи нешта

Знаењето што мислат е клучно за да се обезбеди вистинската помош. Но, децата исто така треба да знаат како и кога да се контролираат. Ако сте во јавност, а вашето дете е во фаза – „Не можам да го направам тоа!“, научете го да ја контролира емоцијата со моделирање смиреност и не расправајте се со него. За да го научите дека е во ред да се изразува, изнесете го разговорот подоцна, дома. „Зошто мислеше дека не можеш да го направиш тоа? Што можеше да функционира подобро?“ Научете го дека е во ред да покаже емоции, но како и каде го прави тоа, ќе биде сè поважно како што ќе старее.

Не потценувајте ја тешкотијата на овие пет начини да воспитате дете што ќе ви се допаѓа. Мајки, дефинитивно е тешко. Но, ќе резултира со дете кое ќе ви се допадне – и кое ќе си се допаѓа само на себе.

Автор: Мери Џо Вајс

Извор