Како да станете подобра мајка за 5 секунди?
Еден од оние денови. Деца трчаат низ куќата, врескаат, садовите штотуку измиени, а во дневната соба веќе е хаос. Нервите стануваат потенки. Сите сме го поминале тоа, тоа е само нешто што доаѓа со мајчинството. Кој вели дека никогаш не ги изгубил нервите – хм, тешко дека ја кажува вистината.
И што да се прави кога ќе дојде таков ден? Имате два избора:
Да се препуштите и да се молите што побрзо да заврши денот
ИЛИ
Свртете го денот за пет секунди со еден од овие начини да бидете подобра мајка!
Проблемот е што сите мислиме дека да се биде добра мајка значи да се биде постојано зафатен, постојано да се внимава на децата и некои големи, важни работи. Но…
Еве ја тајната: малите нешта се тие што најмногу значат. Неколку секунди спонтана љубов, насмевка, поглед, допир ќе направат многу повеќе од часови планирани заеднички активности.
Денот на мајката е секогаш полн, а листата со работи што треба да се направат е предолга. Но, да се биде мајка не е голема наука. Тоа е многу едноставно. Само треба, кога ќе почувствувате дека не можете повеќе да издржите и ќе експлодирате, да направите една од овие работи:
-Започнете ја играта со скокоткање
-Испратете ескимски бакнеж
-Кажете: „Навистина ми се допаѓа како го направи тоа“
-Смислете само ваше, тајно ракување
-Набљудувајте ја месечината пред да влезете во куќата по прошетка
-Вдишете и избројте до 5 заедно
Играјте во автомобил додека чекате зелено светло
-Тркајте се до најблиското дрво
-Прегрнете се
-Направете сенки на ѕидот со рацете
-Изненадете го вашето дете со топло чоколадо или омилената торта, без причина
-Натпреварувајте се за да видите кој може да направи најбудалесто лице
-Тркајте се во трчање
-Имитирајте звуци на животни
-Гледајте ги мравките додека работат
-Скокајте во баричките – заедно.
-Гледајте ги в очи децата кога разговарате со нив
-Натпреварувајте се во контакт со очите
-Споделете чоколадна табла
-Играјте „На буква, на буква…“
-Помогнете им да изберат кои книги да ги читаат
-Скокајте на креветот со нив
-Запишете го телефонскиот број на баба и оставете го вашето дете да ѝ се јави
-Чешкајте им го грбот
-Научете да ја свиркате вашата омилена песна
-Прошетајте по тротоарот
-Кажете шега
-Кажувајте често – „те сакам“.
Ви предлагаме да ја испечатите оваа листа и да ја залепите на фрижидерот за да можете да внимавате во моментите кога ќе почувствувате дека нервите ви стануваат потенки. Верувајте дека помага!
