Менувањето на часовникот не е лесно за никого, особено кога се движи напред и ни скратува еден час сон. Особено е тешко да се приспособат децата на овие промени бидејќи тие можат да бидат нервозни, ненаспани, лути, бесни и плачливи по промената на часовникот… Промената на часовникот е на 30 март, а сертифицираниот детски консултант за спиење Лијадан Колинс објаснува како родителите можат да ги подготват своите малечки.

Промена на ритамот

Некои деца не се премногу чувствителни на промени во рутината, но има мали деца кои се многу чувствителни на тоа, а секоја промена во распоредот им го нарушува сонот. Ова може да предизвика често да се будат во текот на ноќта, па дури и да се будат порано наутро.

Постепено приспособување

За да се осигурите дека менувањето на часовникот има што е можно помало влијание врз рутината на вашето малечко, обидете се постепено да го навикнете на промената во рутината.

-Приспособете се на промената на времето со поместување на дневната рутина на вашето дете, вклучувајќи оброци, дремки и станување 15 минути порано секој ден во период од четири дена – вели Лијадан.

Тоа значи дека, на пример, ако вашето дете обично легнува во 19 часот, четири дена пред промената поместете го часовникот на 18:45 часот. Потоа, за трите ноќи по промената на часовникот, детето нека си легне во 18:30 часот, двете ноќи по менувањето на часовникот нека си легне во 18:15 часот, а ноќта пред промена на часовникот во 18:00 часот.

Исто така, би било добра идеја да го поместите утринското будење и дневните дремки на ист начин.

-Овој постепен метод може да помогне „непречено“ да се префрли на нов распоред без многу нарушувања. На тој начин, кога ќе се смени часовникот, малечкото ќе ја има истата рутина, токму во новото време – вели Лијадан.

Поделете ја разликата

Третата работа што можете да ја направите е да ја приспособите дневната рутина на вашето дете – времето за спиење, оброците, дремките – за викенд или два дена пред промената на часовникот – така што ќе го поместите половина час напред во сабота и половина час во недела.

Извор