Како да препознаете дека детето има сипаници уште пред да се појават
Сипаници или варичела е болест предизвикана од вирусот варичела зостер. Главниот знак дека вирусот е присутен е исипот на телото кој чеша и воедно се појавуваат и мали плускавци полни со течност. Вирусот лесно се пренесува со директен контакт – преку капки во воздухот, бидејќи вирусот се наоѓа во секретите на респираторниот тракт на болните, но и со допирање контаминирани предмети. Лицата што веќе еднаш ја прележале болеста или примиле вакцина против варичела се имуни.
Периодот од моментот на изложеност на вирусот до појавата на првите симптоми се нарекува период на инкубација и трае од 2 до 3 недели, обично 13 до 17 дена, додека инфективниот период (кога заразено лице може да го пренесе вирусот) покажува значителни индивидуални варијации и обично трае 1 до 2 дена пред појавата на исипот, додека промените на кожата не се исушат и не се претворат во красти.
Исипот трае од 5 до 10 дена, а пред да се појави се појавуваат следните симптоми:
-Треска
-Губење на апетитот
-Главоболка
-Замор и општо лошо чувство
Сипаниците поминуваат низ три фази:
-Подигнати дамки наречени папули кои избиваат во текот на неколку дена.
-Мали меурчиња исполнети со течност наречени везикули, кои се формираат за околу еден ден, а потоа пукаат и протекуваат.
-Кори и красти, кои ги покриваат плускавците и им требаат уште неколку дена за да зараснат.
-Нови испакнатини се појавуваат по неколку дена. Така, детето може да има дамки, плускавци и красти во исто време.
На сликата подолу погледнете како изгледа кога ќе избие сипаницата, како се суши и се менува од исип во фаза на краста, за неколку дена.
Болеста е обично блага кај здравите деца. Но, понекогаш исипот може да го покрие целото тело. Може да се формираат плускавци во грлото и очите. Тие, исто така, може да се формираат во ткивото што ја обложува внатрешноста на уретрата, анусот и вагината.
Ако мислите дека вие или вашето дете имате сипаници, важно е да се консултирате со лекар. Варичелата често може да се дијагностицира со преглед на исипот и другите симптоми. Можеби ќе ви требаат лекови за да помогнете во борбата против вирусот или за лекување на другите здравствени проблеми, што може да се појават поради сипаниците. Исто така, кога закажувате преглед, кажете дека детето или вие имате сипаници, за да може да се преземат заштитни мерки за оние што ја немале болеста.
