Прашањата до психолозите и психотерапевтите може да ги испраќате на е-пошта: prasajpsiholog@deca.mk. Ве молиме прашањата пишувајте ги на кирилица. Нашето мото е: Кој прашува, дејствува! Кој си молчи, претпоставува!

ПРАШАЊЕ: Моето дете има седум години и минатата недела, како и вчера, имаше нешто како паничен напад. Тоа се случува пред легнување, читаме или гледаме цртан, и одеднаш почнува да се препотува, треска да го тресе и да го боли стомак. Го советувам да диши длабоко и да мисли на нешто позитивно. По природа е мирољубиво дете кое не е на телефон, сака смирена игра, емотивен е. Ако најдоброто другарче го навреди или не застане на негова страна, цел ден е раздразнет и нервозен. Секој ден разговараме за тоа како поминал на училиште и што се случило. Не знам како да постапам за да го откријам проблемот?

ОДГОВОР: Реакциите на телото и умот во вид на паничен напад се огромен набој на страв, а се манифестација на одредени катастрофични мисли и размислувања. Календарски во овој период се јавува стравот од смртта, кој може да биде причина за ваквото однесување.

Секако, потребно е да се направи психолошка процена за да се адресира точно мислата и нејзиниот извор, која може да потекнува и од семејниот систем или психолошкиот профил на самото дете.

Ве советувам истово да го направите кај стручно лице, со што би добиле и насоки за интервенција кон оваа состојба.

Одговара: Христина Стефановска, психолог за деца и адолесценти, Здружение „Психит“, е-пошта: hristina_psihologija@yahoo.com

Психолозите и психотерапевтите ги одговараат прашањата според редоследот на нивното испраќање, а одговорите ќе се објавуваат на Деца.мк. Одговорите имаат психоедукативна функција и ги насочуваат родителите кон посеопфатни насоки на решавање на состојбата што ги мачи. Се разбира, покомплексните прашања подразбираат покомплексен пристап.

Рубриката „Прашај психолог“ овозможува стручна поддршка од психолози и психотерапевти на родителите при справување и решавање одредени актуелни прашања од психолошка природа на нивните деца и е резултат на соработка помеѓу Деца.мк и „Психотерапика“ – здружение за психологија и психотерапија. На прашањата одговараат психолози и психотерапевти, членови и соработници на здружението, како и самостојни експерти, соработници на Деца.мк.



912

X