Многу родители се под стрес, преоптоварени и со чувство на вина во денешно време, што јас го припишувам директно на нашата култура насочена кон децата. Родителите чувствуваат дека мора постојано да се ангажираат околу своите деца, што е многу различно од претходните генерации.

Денес, родителите се борат да откријат како да ги натераат своите деца да играат самостојно или сами да си ги бијат битките. Ова доведува до тоа децата да бидат кревки и зависни од возрасните. Но, ефектите од ова презаштитничко родителство не се лоши само за самодовербата на децата.

Ако сте презаштитнички настроени кон вашето дете, ќе бидете под постојан притисок. Овој хиперфокус на децата со исклучување на себеси и вашиот партнер е лош за вашиот брак, вашата самодоверба и чувството на смиреност и доверба кај вашите деца.

Ако сакате да го намалите овој презаштитнички стил на родителство, еве неколку конкретни начини што можете да ги искористите.

Престанете да разговарате со вашите деца кога прават други работи или кога не сакаат да зборуваат

Дозволувате вашата вознемиреност или вашата вина поради тоа што сте биле одвоени од децата одреден дел од денот да ве натера да ги прекинете во нешто во кое се среќно ангажирани само за вие да се чувствувате подобро. Наместо тоа, можете да им дозволите да бидат среќни.

Престанете да го фалите вашето дете освен ако не сте навистина импресионирани или ако тоа навистина вложило голем напор за нешто

Ова претерано фалење ја ослабува самодовербата на вашето дете.

Поставувајте му прашања на вашето дете наместо да ги решавате неговите проблеми

Ова може да ве вознемири затоа што се откажувате од илузијата на контрола. Велам „илузија“ затоа што вашето дете сепак нема да го направи она што го кажувате. А ако го направи, би бил поголем проблем што би посочувал на недостиг на доверба во сопственото одлучување и самоефикасност.

Споделете непријатни приказни за вашиот живот

Би било одлично ако вашето дете слушне за моментите кога сте имале проблем. Тоа ќе направи да се чувствуваат поблиски со вас, па ќе имаат поголема веројатност да ви се доверат за нивните сопствени случки.

Дајте му на детето задолженија со кои ќе ви помага

Колку повеќе учи вашето дете на млада возраст, толку повеќе автоматски може да ги прави работите низ куќата како возрасен. С

Не му дозволувајте на вашето дете да остане будно многу доцна

Или ако е доволно возрасно за да остане будно подоцна, тоа е само во неговата соба, правејќи нешто тивко како читање, а вие сте кажале добра ноќ пред да почне тоа време.

Вам и на вашиот партнер ви требаат најмалку 1-2 часа слободно време навечер.

Кажувајте убави работи за себе

Многу родители се омаловажуваат. Вашето дете има 50 отсто од вашата ДНК. Престанете да кажувате дека сте непривлечни, дебели, глупави или нешто друго. Зборувајте за вашите победи. Кажете им кога се паметни како вас или смешни како вас.

Автор: Саманта Родман Витен
Извор