Како да го наградите вашето дете, а да не се тоа играчки и чоколади
Колку пати сте го наградиле вашето дете кога успешно го користело нокширчето или сте му купиле играчка зашто било храбро кога примило вакцина? Да се соочиме: чоколадите и играчките се лесен начин да ги наградиме нашите деца со нешто за кое знаеме дека ќе уживаат. Но, постојат и други начини преку кои може да се поттикне детето.
Кира Џонсон, наставничка и мајка на четири деца, на нејзиниот инстаграм-профил сподели интересни работи со кои ги наградува своите деца, со тоа што не се играчки или чоколади, а потоа додаде уште два примери.
– Наградите не мора да се играчки или чоколади. Исто така, не мора да чинат илјадници долари. Наградите можат да бидат сето она што е мотивирачко за вашето дете. Ова е одличен период да се позанимавате со нивните хобија и интереси. Мојот 8-годишен син предложи специјална бања како награда – вели таа.
– Ако купувањето играчка од 5 долари функционира за вас, тоа е одлично. Но, внимавајте она што го трошите да не го надмине однесувањето. Ако му купите лего-комплет од 100 долари затоа што помогнало и ја наполнило машината за садови, како ќе продолжите да го мотивирате за некоја понапорна работа? – советува таа.
Во видеото таа препорачува награди како што е бања со меурчиња, детето да избере што ќе вечерате, семеен филм или некоја игра со родителите, привремена боја на коса, останување до доцна или пешачење навечер.
Извор
