Вашето малечко нема само да си игра со играчките – ќе ги гризе, а можеби ќе се обиде и да ги стави во носот. Затоа, треба да ги одржувате што е можно почисти, односно без бактерии.

Ако сакате да ги исчистите кадифените или платнени играчки:

Можеби изгледаат слатко и невино, но кадифените играчки можат да содржат бактерии и прашински грини (дури и бебињата можат да имаат алергиски реакции).

-Колку почесто ги перете, толку подобро. Особено е важно да ги чистите играчките откако вашето бебе било болно или ако некое друго мало дете се лигавело по нив. За играчки што може да се перат во машина за перење, користете топла вода. Сепак, поголемиот дел од бактериите ќе бидат убиени во машината за сушење алишта без оглед на условите за перење, па затоа исушете го предметот на највисоката температура – вели Кели А. Рејнолдс, доктор на науки, професор по науки за животна средина и здравје на Универзитетот „Аризона“ во Тусон.

Ако сакате да ги исчистите кадифените или платнени играчки што не се перат во машина:

-Исчистете ја површината на играчката со спреј за дезинфекција што има „дезинфекциско средство“ или „санитирачки својства“ на етикетата. Проверете ја и етикетата за да видите дали производот треба да се исплакне пред децата да дојдат во контакт со него. Потоа оставете ја играчката целосно да се исуши на воздух.

Ако сакате да ги исчистите пластичните играчки:

-Пред вашето дете да допре нова пластична играчка, измијте ја во горната решетка од машината за миење садови со топла вода или со средство за дезинфекција. Или добро исчистете ја со марамчиња за дезинфекција, спрејови за дезинфекција или разредено белило (проверете ги упатствата на шишето за специфични упатства за разредување).

Ако сакате да ги исчистите играчките за бања:

-Истурете ја водата од играчките за бања по секоја употреба и исушете ги за да не се појави мувла. Ако по дезинфекцијата можете да видите или почувствувате мирис на мувла или габички, фрлете ја играчката.

Ако сакате да ги исчистите книгите (сликовниците):

Избришете го материјалот за читање на бебето со дезинфекциски влажни марамчиња (не се исти како бебешките влажни марамчиња).

Извор