Тревор Муир снимил видео за Неделата на благодарност на американските наставници, во кое ги навел причините поради кои ги цени наставниците, учителите и професорите во училиштата.

Покрај наставата, овој наставник и автор на книги и написи, секоја година спроведува семинари за професионален развој и соработува со колеги низ својата земја и ги знае сите аспекти на наставничката работа во општеството во кое живее.

Тој им се обратил на наставниците кои сега предаваат во основните и средните училишта, но и на своите наставници, од кои многумина се веќе во пензија.

Прочитајте ги овие прекрасни реченици и запомнете зошто сте благодарни и зошто ги цените вашите и наставниците на вашите деца.

– Ги ценам наставниците кои ме казнија кога го заслужив тоа.

– Ги ценам наставниците кои го предаваат предметот, но и ги учат своите ученици на вештини што ќе им бидат потребни во текот на нивниот живот.

– Ги ценам наставниците кои ги тераат своите ученици да се прашуваат, да проценуваат и да се чудат.

– Ја ценам групата на наставници со кои разговарав неодамна, кои одат од врата до врата на почетокот на учебната година за да доставуваат училиштен прибор и рачно напишани честитки до учениците.

– Го ценам тој професор по математика во средно кој не ми беше ни наставник, туку секој ден остануваше по часовите за да ми помогне да го поминам предметот. Не мораше да го прави тоа.

– Ги ценам оние наставници кои се тренери и кои ги учат децата како грациозно да победуваат и да губат и посветуваат уште повеќе време на своите ученици надвор од училишниот ден.

– Ги ценам учителите на моите деца.

– Ги ценам асистентите за предавање, оние што ги користат своите уникатни вештини за да го подучат секој ученик.

– Ги ценам оние што ги поместуваат границите и не се задоволни со подучувањето на начинот на кој тоа „секогаш се правело“.

– Ги ценам наставниците кои ги учат своите ученици да се заљубуваат во книгите и одбиваат да дозволат испрашувањето да им ја украде радоста на читањето од децата.

– Ги ценам оние наставници кои веруваат дека секој од нивните ученици има потенцијал да постигне величина и не се плашат да им го дадат тоа до знаење на своите ученици.

– Го ценам наставникот кој ми помогна да го пребродам разводот на моите родители во средно училиште.

– И оние што се смешни и веруваат дека смеењето е еден од најдобрите начини за ангажирање на учениците.

– Ги ценам оние наставници кои се посветени да ги инспирираат и охрабруваат другите наставници.

– Ги ценам наставниците кои не дозволуваат политичарите или медиумите да дефинираат кои се и што прават. И наставниците кои се помалку заинтересирани за политика и повеќе заинтересирани да ги научат учениците како да размислуваат критички и да го користат својот глас за да го направат општеството подобро место за живеење.

– Ги ценам пензионираните наставници кои потрошија толку многу време и енергија инвестирајќи во мене кога бев нов. И ги ценам новите учители кои штотуку влегуваат во оваа авантура.

– Ги ценам наставниците кои наоѓаат начин да ги направат интересни Шекспир и Питагоровата теорема.

– Ги ценам наставниците кои работат дополнителни работни места за да врзат крај со крај за да можат да продолжат да работат во училиштето. Не го ценам системот кој бара премногу наставници да го прават тоа.

– Ги ценам наставниците кои им покажуваат на учениците како да се ракуваат, пишуваат соодветна е-пошта, покажуваат почит кон другите, се дотеруваат за интервју за работа, како да бидат возрасни. Ги ценам и наставниците кои не се плашат да бидат деца.

– Ги ценам наставниците кои помагаат да се подготват децата за факултет, или техничко училиште, или занаети, или кариери или што и да им треба на нивните ученици.

– Ги ценам наставниците кои се залагаат за други наставници.

– Ги ценам наставниците кои им помагаат на своите ученици да сакаат напорна работа, да сакаат да се грижат за другите, да создаваат и размислуваат, да сакаат читање, пишување, математика, соработка, цртање, служење, експериментирање, учење.

Ги ценам наставниците, се надевам дека и вие ги цените.

Извор