Оваа година тимот на Деца.мк одлучи да го избере најдобро украсеното основно училиште заедно со читателите.

Испратете ни фотографии, максимум 5 од холот на училиштето или надворешните декорации. За секое училиште ќе објавиме посебен текст со фотографиите, па тоа што ќе има најмногу лајкови од читателите, ќе добие пакет производи од „Светот на Биби“ за да ја збогати својата училишна библиотека.

Се земаат предвид лајковите што се појавуваат најдолу на текстот за секое училиште објавено на страницата Деца.мк.

Фотографии може да ни ги праќате од 18 до 22 декември. Сите фотографии што ќе бидат испратени до 14 часот, ќе бидат објавени во текот на истиот ден, додека оние што ќе бидат испратени подоцна, ќе бидат објавени во текот на следниот ден.

Фотографиите што ќе бидат испратени по 14 часот на 22 декември нема да влезат во конкуренција.

Гласањето ќе трае до 27 декември, до 12 часот напладне, кога ќе биде прогласено најдобро украсеното училиште.

Фотографиите, информации за училиштето и телефон за контакт испратете ни на redakcija@fakulteti.mk.