Како што покажува истражувањето, се чини дека грижата за децата е поисцрпувачка за родителите отколку еден ден поминат на работа. Во една студија која проучувала неколку илјади луѓе со деца се покажало дека родителите дури 12 отсто од активностите со деца ги сметаат за крајно заморни. Истовремено, тврдат дека само 5 проценти од задачите кои се извршуваат на работа се крајно исцрпувачки. Тоа би значело дека грижата за децата е една од најисцрпувачките активности за испитаниците, дури и повеќе од домашната работа.

Изненадувачки, сите овие активности повеќе ги исцрпуваат жените отколку мажите. Мајките велат дека се чувствуваат многу уморни за време на 15 проценти од активностите што вклучуваат грижа за децата. Од друга страна, татковците се чувствуваат исто за само шест проценти од активностите.

Сепак, експертите кои го спровеле ова истражување нагласуваат дека мајките и татковците прават различни работи со своите деца, а тоа би можело да биде причината поради која жените се чувствуваат поуморни кога поминуваат време со своите деца.

Мајките и татковците прават различни работи со своите деца

Додека таткото и мајката се еднакво вклучени во активности со своите деца, жените се поангажирани во физички активности како што се здравствена заштита, хранење и облекување. Тие, исто така, посветуваат повеќе време на образовните активности на нивните деца, поголема е веројатноста да бидат одговорни за планирање воннаставни активности и обично присуствуваат на сите потребни социјални настани.

Иако истражувањата покажале дека грижата за децата е исклучително исцрпувачка, тоа не го менува фактот дека тоа е една од најважните активности и дека им е еднакво драга и на мажите и на жените. Дури 62 отсто од испитаниците во студијата што имале деца помлади од 18 години ги сметаат нивните активности со децата за многу значајни. Во исто време, само 36 отсто од нив го кажале истото за својата работа.

Родителите се чувствуваат посреќни кога поминуваат време со своите деца отколку во обврски поврзани со работата. Всушност, додека се грижат за дете, луѓето во просек се само малку помалку среќни отколку кога имаат слободно време за себе. Сепак, во просек, мајките се чини дека доживуваат малку повисоки нивоа на среќа додека се грижат за своето дете отколку татковците.

Извор