Сигурна сум дека и ти си била во оваа ситуација – си испланирала средба со пријателите. Можеби си организирала игра за децата, а потоа нешто се случило и сè пропаѓа. Мајчинството носи безброј обврски, од попладневно спиење, оброци и возење до обидите да се одржи ред во хаосот. Понекогаш, да се биде добра мајка, значи да се биде по малку лоша пријателка.

Се трудам да бидам и посветена мајка и добра пријателка, но често ми требаат денови за да одговорам на порака – не затоа што не ми е важно, туку затоа што балансирам помеѓу мајчинството, работата од дома и секојдневните обврски. Сепак, тоа не значи дека не ми недостига време со пријателите. Напротив, знам дека ми треба време за дружба, за релаксација и едноставно, барем накратко, да бидам своја.

Пред неколку недели организирав импровизирана средба со пријателките. Иако знаев дека мојата ќерка треба да спие попладне, си реков: „Ќе биде во ред, едно пропуштено спиење нема да ја убие.“ Но, длабоко во себе знаев дека тоа не е вистина. Како што и очекував, таа беше преморена и раздразнета, а времето со пријателките се претвори во стрес наместо во уживање.

Знам дека понекогаш го ставам моето дете пред моите потреби, што се спротивставува на модерните сфаќања за баланс во животот. Но, сфатив дека тоа не ме прави себична. Секако дека ми треба време за себе, но научив да бидам реална – нема повеќе да прифаќам планови кои знам дека ќе завршат со хаос.

Откако станав мајка, сфатив дека навигацијата низ пријателствата е вистински предизвик. Некој секогаш ќе се чувствува изоставен, а притисокот за „совршено родителство“ само го зголемува товарот. Но, важно е да се потсетиме дека сите сме луѓе и дека секоја мајка се труди најдобро што може.

Ако не одговорам веднаш на пораката, ако не можам да излезам или ако не се јавам подолго време – знај дека не сум исчезнала. Само се обидувам да најдам начин да се справам со хаосот на мајчинството. И ветувам, кога ќе се справам со сето тоа, со сите предизвици што ги носи мајчинството, повторно ќе бидам добра пријателка.

Автор: Бреан Рандал
Извор