Лорен Кларк гледала видео за „токсични фрази“ што многу милениумци ги слушале од своите родители. Таа одлучила да направи мал експеримент со своите две деца, кои имаат 8 и 10 години, за да види како ќе реагираат.

Одговорите на децата, полни со топлина и невина логика, ја допреле, а видеото за брзо време стана вирално.

Кларк им објаснила на децата дека ќе им каже почеток на неколку реченици и тие треба да ги довршат како што би ги кажала нивната мајка.

Првата реченица била: „Ќе ти дадам повод за…“, очекувајќи класичен заканувачки завршеток. Но, децата рекле нешто сосема различно: „Ќе ти дадам нешто за грицкање“ и „Ќе ти дадам нешто да средиш“.

Исто така, реченицата „Јас те родив…“ била довршена со „Ти си моето сè“.

„Додека живееш под мојот покрив…“ била завршена на нежни начини: „Ќе бидеш мој син“ и „Секогаш ќе бидеш безбеден со мене“.

@vintagepeachbeauty

Just trying to raise good humans. 🥹

♬ original sound – Lauren

„Моите деца се чувствуваат безусловно сакано“

Во видеото таа признала дека ја преплавиле силни емоции. Објаснила дека нејзините деца немаат поим за значењето на тие фрази и дека дури и кога таа се обидела да ги каже со поагресивен тон, тие ги довршувале со љубов.

Подоцна им објаснила како тие реченици звучеле во нејзиното детство. Децата биле во шок и ја прашале: „Зошто некои родители се толку лоши? Зарем не ги сакаат своите деца?“

Извор