Да се биде активен е одлично за нашето здравје и благосостојба. Се одржува кардиоваскуларното здравје, се зајакнува менталното здравје и самодовербата и им помага на нашите тела во управувањето со нивото на шеќерот во крвта и на инсулинот, што може да помогне во контролата на телесната тежина. Вежбањето, исто така, носи придобивки за развојот на децата и младите, како и поддршка на физичкиот развој (сила, стабилност, подвижност), движењето може да ги зајакне когнитивните вештини, како што се планирање, решавање проблеми и билатерална интеграција – користејќи ги двете страни на телото и мозокот заедно.

Иако физичката активност е корисна за сите, на корисниците на инвалидска количка може да им биде потешко да пристапат до можностите за вежбање. Имајќи го ова предвид, убаво е да се запознаете со сите ресурси на забавни игри и приспособени спортови што можат да ги уживаат вашите деца дома – без оглед на нивните физички способности.

Удирање балон
Застанете блиску еден до друг, фрлете балон кон вашето дете и замолете го да го возврати. Ова е одлично за објаснување на причината и последицата бидејќи со малку напор оди далеку, а балонот полека се движи, така што дава повеќе време да го насочите ударот назад. Како што се подобрува детето, застанете подалеку и лансирајте го балонот во воздухот.

Фрлање во корпа
Користете вреќа со грав или мека играчка за да вежбате фрлање во корпа. Кога вашето дете ќе стане попрецизно, поместете ја корпата подалеку. Можете да користите бои или други описи за да фрлате во различни корпи (на пример, црвени играчки во кофа, зелени играчки во корпата за алишта или животни во тенџерето).

Цели
Поставете 10-пински сет за куглање со празни пластични шишиња. Започнете со блиска цел, дајте му на детето голема мека топка или мека играчка да ја фрли. Охрабрете го да стане попрецизно со тоа што ќе види колку фрлања се потребни за да ги собори сите. Кога вашето дете станува повешто, оддалечете ја целта подалеку.
Вие, исто така, може да поставите систем на поени со тоа што ќе нацртате цел на некој картон и ќе го прицврстите на вратата или на подот. Колку се потешки целите, толку поголеми поени. Можете да ставите и букви на целите за вашето дете да може да изговори збор.

Фаќање со кофа
Дајте му на вашето дете кофа, додека вие фрлате кон него мека играчка, па треба да ја премести кофата за да ја фати ирачката. Како што станува подобро, давајте му помала кофа за да мора да ја зголеми својата прецизност.

Фрли и фати
Започнете со голема мека топка и седнете многу блиску еден до друг. Завртете ја топката во рацете на вашето дете за да се навикне да ја држи и да ја балансира топката помеѓу двете раце.
Побарајте од вашето дете да ја фрли назад и продолжете да вежбате додека не ви биде на многу мало растојание. Започнете да се движите малку наназад за да има јаз меѓу вас.
Ако дома немате топчиња, користете завиткани чорапи, мали перници или меки играчки.
Почнете со големи топки, како што се фудбалските топки, а потоа преминете на помали или потешки топки.

Танцување
Пуштете музика и оставете го вашето дете да танцува како што сака. Танцувањето е брилијантна форма на вежбање и има многу канали на „Јутјуб“ со музика за танцување за помали деца. Пронајдете една песна што особено му се допаѓа на вашето дете. Помогнете му на вашето дете да започне со движењата и, со текот на времето, може добро да го предвиди следното движење и да почнат да го презема. Ова е одличен начин да внесете секојдневно вежбање во животот на вашето дете.

Трка со топки и лажица
Трката со топки и лажица е одличен начин да се предизвика координација на рацете-очите и контролата на рацете. Користете голема лажица и мала топка. Може да го приспособите ова во зависност од потребите на вашето дете. Можеби ќе му треба голема лажица и зрна грав. Или длабока чинија полна со мали топчиња. Детето треба да се обиде да стигне од точка А до точка Б без топката да му падне од лажицата или топчињата од кофата.

Симон вели
Ова е одлична игра за копирање. Едно лице прави акција, а другото лице треба да ја копира. Ова е одличен начин да го убедите вашето дете да направи каква било активност што ја барате од него.
Алтернативно, замолете го да ја води играта и да види каде го носи неговата фантазија.
Ако вашето дете се бори со овој концепт, обидете се да копирате сè што прави. Ако ја мрдне раката, и вие мрднете ја вашата итн. Постои слична техника наречена интензивна интеракција за комуникација и можете да се обидете и двајцата заедно да видите дали вашето дете ќе се движи и ќе произведува звуци.

Играјте некој адаптиран спорт
Играњето приспособени верзии на добро сакани игри со вашето дете од мала возраст, исто така, може навистина да го охрабри да игра игри како што се кошарка со инвалидска количка, тенис за инвалидска количка.

Играјте игри на табла, игри со карти или составете сложувалки
Изборот на игри на табла и игри со карти е бесконечен, а секоја година се развиваат нови игри. За разлика од играњето видеоигри, игрите на табла се одлични за поттикнување разговор и интеракција додека создаваат здрава конкуренција. Многу игри се едукативни. Честопати се вклучени броеви, броење и читање.
И игрите постојат речиси за секое возрасно ниво или когнитивно ниво. Дури и малите деца можат да започнат да прават игри што одговараат, што вклучуваат слики или бои. Тие можат да уживаат и во наједноставните загатки. Не само што ќе се забавувате со своите деца, туку исто така им помагате.

Време на стомакот
Времето на стомакот е одлична основна вежба за градење на јадрото на мускулите, супер позиција за зајакнување на вратот и грбот на вашето дете. Користете завиткан пешкир под градите за да му помогнете да се крене на рацете за да ја крене главата.
Како што се подобрува, помогнете му да се потпира на лактите додека гледа нагоре.

Важно е да се запамети дека секое движење се смета како физичка активност: не треба да изгледа како традиционално вежбање или спорт. Сè што ќе го натера вашето дете да се движи малку повеќе од нормалното, ќе му помогне да стане подобро и посилно. Многубројни се придобивките од вежбањето за децата во инвалидска количка: ја подобрува силата што води кон подобри моторни вештини и посамостојно живеење.

Помага во одржување или зголемување на мускулната должина преку активно истегнување, одржување на опсегот на движење во зглобовите и овозможување подобри бруто моторни вештини – а со тоа и подобрена функција и независност.
Го подобрува спиењето, што е многу често проблем за оние со физички тешкотии.
Без разлика дали сме деца или само возрасни деца во душата, сите сакаме да се забавуваме, а преку овие активности може да се обезбеди забава и едукација која добро ќе влијае врз физичкиот развој.